الماتى پوليسياسىندا مىڭنان استام ايەل قىزمەت ەتەدى.
مەرەكە قارساڭىندا الماتى قالاسىنىڭ ايەل پوليسەيلەرىنىڭ قۇرمەتىنە كوكتەمگى جانە تانىمال حيتتەر ايتىلدى. ولاردىڭ قۇرمەتىنە بۇگىن ناعىز مەرەكە ۇيىمداستىرىلۋدا، دەپ حابارلايدى aqshamnews.kz Polisia.kz-كە سىلتەمە جاساپ.
— ءبىزدىڭ ارىپتەستەر قازاقستان پوليسياسىنىڭ بارلىق بولىمشەلەرىندە ەرلەرمەن بىردەي كۇندىز-تۇنى قىزمەت ەتەدى. ازاماتتاردىڭ تىنىشتىعى مەن قوعامدىق ءتارتىپتى ساقتاۋ جولىندا كۇن سايىن ءوز دەنساۋلىعى مەن ومىرىنە ءقاۋىپ توندىرە وتىرىپ، ولار وزدەرىنىڭ قىزمەتتىك مىندەتتەرىن ەرلىكپەن جانە جانقيارلىقپەن اتقارۋدا. بۇل جەردە مۇنداي ايەلدەردى ءالسىز جىنىس دەپ اتاۋعا بولمايتىنىن اتاپ وتكەن ءجون، ويتكەنى ولار قىزمەت ەتۋدەن باسقا، وتباسى بەرەكەسىن ساقتاۋشىلار، قامقور انالار جانە سۇيىكتى جۇبايلار. بۇگىندە ەلىمىزدىڭ قوعامدىق-ساياسي ومىرىنە ايەلدەردىڭ كوپ بولىگى قاتىسىپ، قازاقستان رەسپۋبليكاسىنداعى قوعامدىق-ساياسي تۇراقتىلىققا قول جەتكىزۋگە زور ۇلەس قوسۋدا، - دەدى الماتى قالالىق پوليسيا دەپارتامەنتىنىڭ باستىعى ارىستانعاني زاپپاروۆ.
كوكتەم مەرەكەسى قارساڭىندا الماتى قالاسىنىڭ بارلىق پوليسەي ايەلدەر ىشكى ىستەر ءمينيسترىنىڭ، قالا اكىمىنىڭ جانە پوليسيا بەپارتامەنتىنىڭ گراموتالارىمەن، ماراپاتتارىمەن جانە العىس حاتتارىمەن ماراپاتتالدى.
— وسى مەرەكە كۇنى ارداگەر ايەلدەرىمىزگە شەكسىز العىسىمىزدى بىلدىرەمىز. ولاردىڭ كوپ جىلعى قىزمەتى، باي تاجىريبەسى مەن كاسىبي بىلىكتىلىگى وسكەلەڭ ۇرپاق پوليسەيلەرگە قىزمەتتىك بورىشىن ادال اتقارۋدىڭ، ادالدىق پەن ادامعا دەگەن قۇرمەتتىڭ ۇلگىسى. قۇرمەتتى ايەلدەر! بۇل كۇندەرى سىزدەرگە قانشاما جىلى لەبىزدەر ايتىلسا دا، ال ونىڭ كوپ بولارى ءسوزسىز، جۇرەگىمىزدەگى تەرەڭ قۇرمەت، سۇيىسپەنشىلىك، ريزاشىلىق سەزىمدەرىن تولىق جەتكىزە المايدى. ءبىز سىزدەردى ماقتان تۇتامىز. سىزدەر ءبىزدىڭ ءومىرىمىزدى جارقىن ەتەسىزدەر، - دەدى ارىستانعاني زاپپاروۆ.