الماتىدا پاترۋلدىك پوليسيا قىزمەتكەرلەرى ەر ادامدى اجالدان قۇتقارىپ قالدى، – دەپ حابارلايدى اlmaty-akshamy.kz.
“102” پۋلتىنە رىسقۇلوۆ داڭعىلى بويىنداعى حوستەلدەردىڭ بىرىندە، 4-قاباتتىڭ تەرەزەسىندە ەر ادامنىڭ وز-وزىنە قول جۇمساماق بولىپ وتىرعانى تۋرالى حابارلاما كەلىپ ءتۇستى.
– وقيعا ورنىنا “بۋران-175” جانە “بۋران-170” پاترۋلدىك ەكيپاجى جەدەل جەتتى. پپپ قىزمەتكەرلەرى ءمان-جايدى زەردەلەپ، تەرەزەدەگى ەر اداممەن اڭگىمە-دۇكەن قۇرىپ، ونىڭ كوڭىلىن باسقا جاققا اۋدارا باستادى. وسى ۋاقىتتا ينسپەكتورلاردىڭ ءبىرى قولايلى ءساتتى كۇتىپ، ەر ادامدى موينىنان ۇستاپ، بىرلەسە وتىرىپ بولمەگە سۇيرەپ كىرگىزدى. كۇدىكتىنىڭ ماس بولعانى بەلگىلى بولدى. ول وتباسىلىق ماسەلەلەرىنە بايلانىستى شاراسىز ارەكەتكە بارۋدى ۇيعارعانىن ايتتى، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى سەرىك شۋمايەۆ.
دارىگەرلەر زارداپ شەككەن ادامعا العاشقى مەديسينالىق كومەك كورسەتتى. كەيىن ءمان-جايدىڭ انىق-قانىعىنا جەتۋ ءۇشىن جەتىسۋ اۋداندىق پوليسيا باسقارماسىنا جەتكىزىلدى. وز-وزىنە قول جۇمساۋ ارەكەتىنىڭ وبەكتيۆتى سەبەپتەرى انىقتالىپ جاتىر.