پاترۋلدىك پوليسيا قىزمەتكەرلەرى الماتى پوليسياسىنىڭ بىرىكتىرىلگەن كۇشتەرىنىڭ ءبىرىڭعاي ساپ تۇزەۋى بارىسىندا گراموتالار مەن العىس حاتتارعا يە بولدى.
پاترۋلدىك پوليسيا پولكىنىڭ جاساقتارى، مامانداندىرىلعان باتالون، جقاج قىزمەتكەرلەرى كومانديرلەردىڭ نۇسقاۋلارىن تىڭدادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ءتارتىپ پەن ازاماتتاردىڭ اماندىعى پوليسيانىڭ قالاي جۇمىس ىستەيتىنىنە بايلانىستى. پوليسيا قىزمەتكەرلەرىنىڭ ازاماتتارمەن تىعىز بايلانىستا بولۋى وتە ماڭىزدى: ۋچاسكەلىك پوليسيا قىزمەتكەرلەرى ءوز ايماعىنداعى ءاربىر تۇرعىندى جاقسى ءبىلۋى كەرەك جانە ولاردى ەڭ كوپ مازالاعان نارسەگە قىزىعۋشىلىق تانىتۋى قاجەت. ماتەريالدىق-تەحنيكالىق بازا مەن كيىم قىزمەتكەرلەرىمىزگە وقيعالاردان قالىس قالماي، قىلمىسقا قارسى تۇرۋعا مۇمكىندىك بەرەدى»، – دەيدى الماتى قالالىق پوليسيا دەپارتامەنتى باستىعىنىڭ ورىنباسارى ولجاس مىرزابەكوۆ.
قىلمىستىڭ باسىم بولىگىن پوليسەيلەر “ءىزىن سۋىتپاي” اشادى. ءبىرىڭعاي ساپ تۇزەۋ بارىسىندا پاترۋلدىك پوليسيا پولكىنىڭ جانە مامانداندىرىلعان باتالوننىڭ 9 قىزمەتكەرى قىلمىسپەن كۇرەستە كاسىبي شەبەرلىكتەرى ءۇشىن ماراپاتتالدى.
«بۇگىن مەن، ەڭ الدىمەن، قىزمەتتە ەرەكشە كوزگە تۇسكەن قىزمەتكەرلەردى كوتەرمەلەدىم. ولار جاس ءتارتىپ ساقشىلارىنا تالىمگەر جانە وزدەرىنىڭ باي كاسىبي تاجىريبەسىمەن بولىسەدى. سونىمەن قاتار جەكە قۇرامنىڭ سىبايلاس جەمقورلىقتىڭ كەز كەلگەن كورىنىستەرىنە قاتىستى ىمىراسىز ۇستانىمىن ەسكە سالۋ وتە ماڭىزدى بولدى. ءبىز ولاردان ازاماتتاردىڭ قاۋىپسىزدىگى مەن يگىلىگى ءۇشىن ادال جانە رياسىز ەڭبەك ەتۋدى تالاپ ەتەمىز. مەملەكەت ءمىنسىز جۇمىس ىستەۋگە بارلىق جاعدايدى جاساپ وتىر»، – دەدى مىرزابەكوۆ.