كۇدىكتىلەر قاماۋعا الىندى.
الماتىلىق پوليسەيلەر پاتەر ۇرىلارىن قۇرىقتادى، – دەپ حابارلايدى Polisia.kz.
الماتى قالالىق كريمينالدىق پوليسيانىڭ مالىمەتىنشە، بۇل توپقا بىرنەشە رەت سوتتالعان ەكى ەر ادام كىرەدى. ولاردىڭ ءبىرى – 29 جاستاعى ب.ەسىمدى ازامات بوتەننىڭ مۇلكىن ۇرلاۋ، توناۋ جانە ادامنىڭ دەنساۋلىعىنا اسا اۋىر زيان كەلتىرگەنى ءۇشىن ءۇش رەت جازاسىن وتەگەن. قىلمىستىڭ تاعى ءبىر سىبايلاسى – مۇلىكتىك قىلمىسى ءۇشىن سوتتى بولعان 35 جاستاعى ك.ەسىمدى ازامات.
«كۇدىكتىلەردى ۇستاۋعا ارنالعان ارنايى ءىس-شارا وتكەن كەشتە سامال شاعىن اۋدانىندا پوليسيانىڭ ارنايى جاساقتارىنىڭ قولداۋىمەن جۇرگىزىلدى. تۇتقىنداۋدان از ۋاقىت بۇرىن ۇرىلار جاس ايەلدىڭ پاتەرىنە كىرىپ، ول جاقتان التىن بۇيىمداردى، قول ساعاتتى، نوۋتبۋكتى ۇرلاپ، ناتيجەسىندە ميلليون تەڭگەگە جۋىق ماتەريالدىق شىعىن كەلتىرگەن. سوتقا دەيىنگى تەرگەۋ باستالدى. تەرگەۋدىڭ وسى كەزەڭىندە ۇستالعانداردىڭ قالانىڭ وسى اۋدانىندا كەمىندە تاعى ەكى ۇرلىققا قاتىسى بار ەكەندىگى انىقتالدى. ولاردىڭ جەكە باسىن تەكسەرۋ جالعاسۋدا»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى بەرىك ابىلبەكوۆ.
سپيكەردىڭ ايتۋىنشا، كۇدىكتىلەر قاماۋعا الىندى. ايتپاقشى، ولاردىڭ ءبىرى – الماتى وبلىسىنىڭ تۇرعىنى بولسا، ەكىنشىسى – شىعىس قازاقستاننان كەلگەن.