بايقاۋعا 50-دەن استام ءتۇرلى ۇلت وكىلدەرىنەن قۇرالعان پوليسيا قىزمەتكەرلەرى قاتىستى.
الماتى قالالىق پوليسيا دەپارتامەنتىندە پاتريوتتىق رۋحىندا جانە وتانعا دەگەن سۇيىسپەنشىلىككە تاربيەلەۋ، سونداي-اق مەملەكەتتىك ءتىلدىڭ قولدانىسى مەن وقۋ اياسىن كەڭەيتۋ ماقساتىندا پوليسيا قىزمەتكەرلەرى اراسىندا ءداستۇرلى «پاراساتتى پوليسەي» بايقاۋى ءوتتى.
ولار ءارتۇرلى شىعارماشىلىق تاپسىرمالاردى ورىنداۋدا جانە كاسىبي تەرميندەردى بىلۋدە شەبەرلىكتەرىن، ارتىستىكتەرىن، تاپقىرلىقتارىن جانە مەملەكەتتىك تىلدە ءوز ويىن ادەمى، دۇرىس جەتكىزە ءبىلۋدى، سونداي-اق دارىندارى مەن شىعارماشىلىق قابىلەتتەرىن دە كورسەتتى.
« «پاراساتتى پوليسەي» بايقاۋى ق ر كونستيتۋسياسى كۇنىنە، قازاقستان حالقىنىڭ تىلدەرى كۇنىن مەرەكەلەۋگە ارنالعان. ماقساتى – ىشكى ىستەر ورگاندارى قىزمەتكەرلەرى اراسىندا مەملەكەتتىك ءتىلدى دامىتۋ. بايقاۋ جوعارى دەڭگەيدە ءوتتى. بۇگىن قاتىسۋشىلار كاسىبي شەبەرلىكتەرىن كورسەتىپ قانا قويماي، دارىندىلىعىمەن دە كوزگە ءتۇستى»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ولجاس مىرزابەكوۆ.
جارىس قورىتىندىسى بويىنشا ءبىرىنشى ورىن جقاج كومانداسىنا، ەكىنشى ورىن المالى اۋداندىق پوليسيا باسقارماسىنىڭ كومانداسىنا، ءۇشىنشى ورىن بوستاندىق اۋداندىق پوليسيا باسقارماسىنىڭ قىزمەتكەرلەرىنە بۇيىردى.