الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنا قاراستى "پاراسات" الەۋمەتتىك قىزمەت ورتالىعىنىڭ جاڭا عيماراتتى سالتاناتتى تۇردە اشىلدى. جاڭا عيماراتتىڭ اۋدانى - اۋدانى 1751،6 شارشى مەتر.
ورتالىق مۇگەدەكتىگى بار، پسيحونيەۆرولوگيالىق اۋرۋلارى بار جانە تىرەك-قيمىل اپپاراتى بۇزىلعان بالالار مەن ەرەسەكتەرگە الەۋمەتتىك قىزمەت كورسەتەدى. ورتالىق ءبىر ۋاقىتتا 60-70 ادامدى قابىلداي الادى.
جاڭا عيماراتتا قىزمەت الۋشىلار ءۇشىن ارنايى كابينەتتەر اشىلعان. ولار: بالشىقپەن جۇمىس ارقىلى وڭالتۋ ءۇشىن شىعارماشىلىق شەبەرلىك كابينەتى، اتپەن ءجۇرۋ ارقىلى وڭالتۋ ءۇشىن يپپوتەراپيا ترەناجەرى ورناتىلعان كابينەت، كومپيۋتەرلىك ساۋاتتىلىق قىزمەتتەرىن الۋشىلار مەن بالالاردى وقىتۋعا ارنالعان كومپيۋتەرلىك سىنىپ جانە قىزمەت الۋشىلارعا كۇتىم جاساۋ ءۇشىن شاشتاراز بولمەسى جانە ت.ب.
- اۋەزوۆ اۋدانى “جەتىسۋ” شاعىن اۋدانىندا “پاراسات” ورتالىعى اشىلدى. بۇل عيمارات كۇردەلى جوندەۋدەن ءوتىپ، زاماناۋي تالاپتارعا ساي قۇرال-جابدىقپەن جابدىقتالدى. مۇندا ارنايى قىزمەتتى قاجەت ەتەتىن بالالارعا قىزمەت كورسەتىلەدى. جالپى ءبىزدىڭ باسقارمانىڭ قاراماعىندا وسىنداي 14 ورتالىق بار، ولار قالانىڭ ءار اۋدانىندا شوعىرلانعان. ءبىز مۇنداي ورتالىقتاردىڭ قولجەتىمدىلىگىن ارتتىرىپ، ينفراقۇرىلىم جاڭارتۋ بويىنشا جۇمىستاردى جالعاستىرامىز، - دەدى الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى باۋىرجان جاۋباسوۆ.
