الماتىداعى پاپانين كوشەسىندە جەراستى گاز قۇبىرىندا جۇرگىزىلەتىن جوندەۋ جۇمىستارىنا وراي اۆتوموتوكولىكتەردىڭ ءجۇرۋى شەكتەلەدى.
بۇل شەكتەۋ 2023 جىلدىڭ 15-تامىزى مەن 15-قاراشاسى ارالىعىندا تۇركسىب اۋدانىنىڭ پاپانين كوشەسىنىڭ بويىندا، اتالمىش كوشەنىڭ بەلياكوۆ كوشەسىمەن قيىلىسىنان باستاپ رۋستاۆەلي كوشەسىنىڭ قيىلىسىنا دەيىن قويىلادى (پاپانين كوشەسى، 53ا).
جوعارىدا اتالعان جۇمىس الماتى قالاسىنىڭ گاز ءبولۋ جۇيەسىنىڭ وتكىزۋ مۇمكىندىگىن ۇلعايتۋ جانە جەراستى گاز قۇبىرلارىن جاڭالاۋ ماقساتىندا جۇرگىزىلىپ جاتىر. بۇل شارا ءوز كەزەگىندە اپاتتىق جاعدايلاردىڭ ازايۋىنا جانە مەگاپوليس حالقىنا ۇزدىكسىز گاز بەرۋ مۇمكىندىگىنىڭ ارتۋىنا سەپتىگىن تيگىزەدى.
ءوز باعىت-باعدارىڭىزدى الدىن-الا ويلاستىرۋىڭىزدى جانە ۋاقىتشا قولايسىزدىقتارعا تۇسىنىستىكپەن قاراۋعا شاقىرامىز.
«قازترانسگازايماق» اق الماتى وندىرىستىك فيليالى