قالالىق پاللياتيۆتىك كومەك ورتالىعى 170 توسەك-ورىنعا ارنالعان
الماتى قالاسى قوعامدىق دەنساۋلىق ساقتاۋ باسقارماسى قالا تۇرعىندارىنا پاللياتيۆتىك كومەكتى قايدان الۋعا بولاتىنىن ايتتى، دەپ حابارلايدى Almaty-akshamy.kz.
پاللياتيۆتىك كومەك – مامانداندىرىلعان ەمدەۋ مۇمكىندىگى شەكتەۋلى نەمەسە تاۋسىلعان جاعدايدا سوزىلمالى اۋرۋلاردىڭ ءتۇرلى نوزولوگيالىق تۇرلەرىمەن اۋىراتىن ناۋقاستاردىڭ ءومىر ءسۇرۋ ساپاسىن جاقسارتۋعا ارنالعان دەنساۋلىق ساقتاۋ سالاسىنىڭ ءبىرى.
بۇعان قاتەرلى ىسىك اۋرۋلارى، باۋىر اۋرۋى، تىنىس الۋ جانە جۇرەك جەتكىلىكسىزدىگى، ينسۋلتتان كەيىنگى زارداپتار، اۋىر جاراقاتتار جانە ت.ب. پاسيەنتتەر جاتادى.
كوبىنەسە ساعات سايىنعى كۇتىمدى قاجەت ەتەتىن اۋرۋلارمەن اۋىراتىن پاسيەنتتەردىڭ جاقىندارىنىڭ ولارا كۇتىم جاساۋعا فيزيكالىق تۇردە ۋاقىتى بولا بەرمەيدى. ونىڭ ۇستىنە مۇنداي كومەك جاقىن ادامداردىڭ مورالدىق دايىن بولۋىن تالاپ ەتەدى.
ەگەر ادامدى ەمدەۋ مۇمكىن بولماسا، بۇل وعان كومەكتەسۋگە بولمايدى دەگەندى بىلدىرمەيدى.
پاللياتيۆتىك كومەكتىڭ نەگىزگى مىندەتى – اۋرۋدى جەڭىلدەتۋ جانە اۋرۋدىڭ باسقا دا اۋىر بەلگىلەرىن ازايتۋ، مەدبيكەلىك كۇتىم، پاسيەنتتەرگە جانە ولارعا كۇتىم جاسايتىن جاقىندارىنا قولداۋ كورسەتۋ.
«پاللياتيۆتىك مەديسينالىق كومەك قالا تۇرعىندارىنا تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىندە قالالىق پاللياتيۆتىك كومەك ورتالىعىندا تەگىن كورسەتىلەدى. ەمدەۋگە جاتقىزۋ تىركەلگەن ەمحانانىڭ جولداماسى بويىنشا جوسپارلى تارتىپپەن ەمدەۋگە جاتقىزۋ بيۋروسىنىڭ پورتالى ارقىلى جۇزەگە اسىرىلادى» – دەپ اتاپ ءوتتى قوعامدىق دەنساۋلىق ساقتاۋ باسقارماسىنىڭ ەمدەۋ-پروفيلاكتيكالىق قىزمەتى ءبولىمىنىڭ باسشىسى لايلا يمانعالييەۆا.
قالالىق پاللياتيۆتىك كومەك ورتالىعى 170 توسەك-ورىنعا ارنالعان. ورتالىقتا 5 بولىمشە قىزمەتى كورسەتەدى.
قالادا 2025 جىلعا قاراي اۋىر ساناتتاعى پاسيەنتتەردىڭ تۇرۋىنا بارلىق جاعداي جاسالعان زاماناۋي پاللياتيۆتىك كومەك ورتالىعىن سالۋ جوسپارلانعان.
پاللياتيۆتىك كومەكتى الماتىنىڭ ورتالىق قالالىق كلينيكالىق اۋرۋحاناسىنان اقىلى نەگىزدە الۋعا بولادى، وندا قازان ايىنان باستاپ پاسيەنتتەردى ۇزاق ۋاقىت ەمدەۋ بولىمشەسى اشىلعان.
پاسيەنت جانە ونىڭ جاقىندارى ءۇشىن مەديسينالىق كومەك نەمەسە الەۋمەتتىك دەمالىس قاجەت بولعاندا وقكا اقىلى ۇزاق مەرزىمدى بولىمشەسىندە قالۋعا مۇمكىندىگى بار.
سونىمەن قاتار، پاللياتيۆتىك كومەك شەڭبەرىندە قالالىق ونكولوگيالىق ورتالىقتا ەمدەلمەيتىن قاتەرلى ىسىك دياگنوزى بار ادامدارعا مەديسينالىق-پسيحولوگيالىق كومەك كورسەتۋ بويىنشا كوشپەلى ءموبيلدى بريگادا جۇمىس ىستەيدى.
ونكولوگيالىق بريگادا 4 كلينيكالىق توپتاعى پاسيەنتتەردى جازىلمايتىن دەرتتىڭ تەرمينالدى ساتىسىنا اۋىستىراتىن قالالىق ەمحانالاردا اۋداندىق ونكولوگتارمەن تىكەلەي جۇمىس ىستەپ، تەگىن كومەك كورسەتەدى.
پاسيەنتتەردىڭ تۋىستارى مەن پاسيەنتتەردىڭ وزدەرى: 8 708 973 03 03 جەدەل جەلى نومىرىنە حابارلاسا الادى.
ءموبيلدى ونكولوگيالىق بريگادا پاسيەنتتەردى پاتروناجعا قابىلدايدى، ءۇي جاعدايىندا اۋىرسىنۋدى جانە باسقا دا اۋىر بەلگىلەردى جەڭىلدەتۋدى قامتاماسىز ەتەدى، پرەپاراتتاردىڭ جاناما اسەرلەرىن جانە ىسىككە قارسى ەمدەۋدى باقىلايدى.
ءاربىر پاسيەنتكە جەكە جاعدايدا قاراپ، ەمدەيدى.