مەدەۋ اۋدانىنىڭ تۇرعىندارىمەن كەزدەسۋدە الماتى اكىمى ەربولات دوسايەۆ تاۋ اي̆ماقتارىندا وزەن ارنالارى مەن ينفراقۇرىلىمدى نىعاي̆تۋ بوي̆ىنشا قابىلدانىپ جاتقان شارالار تۋرالى اي̆تتى، دەپ حابارلايدى aqshamnews.kz
تاۋ وزەندەرىندەگى قاۋىپسىزدىكتى قامتاماسىز ەتۋدىڭ ماڭىزدى مىندەتىنىڭ ءبىرى – مۇزدى-سۋلى تاسقىنداردىڭ سالدارىن جويۋ جانە ولاردىڭ قاي̆تالانۋ ءقاۋپىن ازاي̆تۋ.
«2025 جىلدىڭ اقپان اي̆ىندا ەسەنتاي̆ وزەنىنىڭ ارناسىندا تاسقىن اعىنىن باسەڭدەتەتىن جانە مۇزدىڭ جينالۋىن بولدىرماي̆تىن جاساندى قۇرىلعىلاردى ورناتۋ جۇمىستارى اياقتالدى. جوبا اياسىندا 20 مىڭ شارشى مەتر تۇپتىك شوگىندىلەر قوي̆ماسى تازارتىلىپ، 650 مەتر جاعالاۋ گابيوندى قۇرىلىمدارمەن بەكىتىلدى، 39 ۇستاپ قالۋ قۇرىلىسى مەن 11 بوگەت سالىندى. بۇل جۇمىستارعا 1،9 ملرد تەڭگە ءبولىندى»، – دەدى ە.دوسايەۆ.
سونىمەن قاتار، ءتۋريزمدى دامىتۋ ماقساتىندا تاۋلى اي̆ماقتارداعى تۋريستىك نىساندارعا اپاراتىن جولداردىڭ قاۋىپسىزدىگىنە ەرەكشە كوڭىل بولىنۋدە. 2024 جىلدىڭ تامىز اي̆ىندا «موحناتكا» جانە «گورەلنيك» تاۋلارىنداعى كوشكىن سالدارىن جويۋعا 1،9 ملرد تەڭگە ءبولىندى. جۇمىس بارىسىندا 100 مىڭ شارشى مەتر اۋماق تازارتىلىپ، 62 مىڭ شارشى مەتردەن استام تاۋ باۋراي̆ى بەكىتىلدى، سونداي̆-اق 3 شاقىرىم سۋ بۇرۋ ءجۇي̆ەسى سالىندى.
اي̆تا كەتۋ كەرەك، 2024 جىلى تاۋ ءتۋريزمى ينفراقۇرىلىمىن جاقسارتۋ اياسىندا 1000 شاقىرىمنان استام تاۋ مارشرۋتتارى سيفرلاندىرىلىپ، ونىڭ 750 شاقىرىمنان استامى كوركەي̆ءتىلدى، سونداي̆-اق 13 كەمپينگ-اي̆ماق قۇرىلدى.
بارلىق مارشرۋت 2Gis جانە View Ranger سياقتى تانىمال ناۆيگاسيالىق پلاتفورمادا قولجەتىمدى بولىپ، ساياحاتتى جوسپارلاۋدى اي̆تارلىقتاي̆ جەڭىلدەتتى. باعىتتاردا اقپاراتتىق ستەندتەر، باعىت كورسەتكىشتەرى جانە QR-كودتار ورناتىلىپ، تۋريستەر ولاردىڭ كۇردەلىلىك دەڭگەي̆ءى، ۇزىندىعى مەن ءوتۋ ۋاقىتى تۋرالى مالىمەت الا الادى.
«ىلە-الاتاۋ» مەملەكەتتىك ۇلتتىق تابيعي پاركى اۋماعىن كوركەي̆تۋگە دە ەرەكشە نازار اۋدارىلدى. مۇندا ۇزىندىعى شامامەن 100 شاقىرىم بولاتىن 10 باعىتتا جۇمىستار اياقتالدى. «الپينگراد»، «تيتوۆا» جانە «پوليانا تەررا» اتتى 3 زاماناۋي كەمپينگ-اي̆ماق قۇرىلدى.
بۇل شارالار ساياحاتشىلار ءۇشىن جاي̆لى ءارى ءقاۋىپسىز جاعداي̆ جاساۋعا، سونداي̆-اق اي̆ماقتىڭ بەلسەندى دەمالىس ءۇشىن تارتىمدىلىعىن ارتتىرۋعا مۇمكىندىك بەردى