الماتىدا وزبەكستاننىڭ 27 ازاماتى زاڭسىز جۇمىس ىستەگەن. ولاردى پوليسيا قىزمەتكەرلەرى «زاڭسىز» رەسپۋبليكالىق جەدەل الدىن الۋ ءىس-شاراسى بارىسىندا انىقتادى.
«ءىس-شارا اياسىندا قازاقستان رەسپۋبليكاسىنىڭ كوشى-قون زاڭناماسىن بۇزعان وزبەكستاننىڭ 27 ازاماتى ۇستالدى. تەكسەرۋ كەزىندە 9 شەتەلدىكتىڭ جەكە باسىن كۋالاندىراتىن قۇجاتتارى بولمادى. ولار ءپد-نىڭ قابىلداپ-تاراتۋىنا ورنالاستىرىلدى. ءاربىر قۇقىق بۇزۋشىنىڭ جەكە باسىن انىقتاۋ جۇمىستارى جۇرگىزىلىپ جاتىر»، - دەدى الماتى قالاسى پوليسيا دەپارتامەنتىنىڭ كوشى-قون قىزمەتى باسقارما باستىعىنىڭ ورىنباسارى، پوليسيا پولكوۆنيگى گەنناديي مەن.