كولىك مامانداندىرىلعان ايىپپۇل تۇراعىنا جەتكىزىلدى
رايىمبەك داڭعىلى مەن كۋراتوۆ كوشەلەرىنىڭ قيىلىسىندا 1986 جىلى تۋعان وزبەكستان رەسپۋبليكاسىنىڭ ا.ەسىمدى ازاماتى تىزگىندەگەن «دەۋ نەكسيا» ماركالى اۆتوكولىگىن پوليسيا قىزمەتكەرلەرى بايقاپ قالعان. بۇل تۋرالى الماتى قالالىق پوليسيا دەپارتامەنتىنىڭ باسپا ءسوز قىزمەتى مالىمدەدى، دەپ حابارلايدى Almaty-akshamy.kz.
«ناركولوگيالىق ساراپتاما قورىتىندىسىنا سايكەس، جۇرگىزۋشى كولىكتى «ورتاشا دەڭگەيدەگى» الكوگولدىك ماساڭ كۇيدە باسقارعان. وسى دەرەك بويىنشا پاترۋلدىك پوليسيا قىزمەتكەرلەرى ق ر اقبك-نىڭ 608-بابى 6-بولىگىنە سايكەس اكىمشىلىك ماتەريالدى تولتىردى جانە ءمااس شەشىمىمەن ا.ەسىمدى ازامات اكىمشىلىك قاماققا الىندى. ونىڭ كولىگى مامانداندىرىلعان ايىپپۇل تۇراعىنا ورنالاستىرىلدى. وسى ازاماتقا قاتىستى ق ر اىجك-نىڭ 382-بابىنا سايكەس قاماۋعا الۋ مەرزىمى وتكەننەن كەيىن قازاقستان رەسپۋبليكاسىنىڭ شەكاراسىنان شىعارۋ تۋرالى سوتقا تالاپ ارىز جىبەرىلەتىن بولادى»، - دەدى، الماتى قالالىق پد كوشى-قون قىزمەتى باسقارماسىنىڭ باستىعى، پوليسيا پولكوۆنيگى اسحات بۋتۋنچينوۆ.
سونداي-اق، بولىمشەدە، «زاڭسىز» ءىس-شاراسىنىڭ 7 كۇنىندە 939 كوشى-قون زاڭناماسىن بۇزۋشى اكىمشىلىك جاۋاپكەرشىلىككە تارتىلعانىن اتاپ ءوتتى. ەلدە بولۋ مەرزىمى اياقتالعاننان كەيىن قازاقستاننان ۋاقتىلى كەتپەگەنى ءۇشىن 560 شەتەلدىك جاۋاپكەرشىلىككە تارتىلدى. پد-نىڭ قابىلداپ-تاراتۋ بولىمىنە 236 شەتەل ازاماتى ورنالاستىرىلدى.