مەديا سالاسىنىڭ وكىلدەرى ەلىمىزدىڭ جەتەكشى ونەركاسىپتىك كاسىپورىندارىنا شاقىرىلادى
ق ر ونەركاسىپ جانە قۇرىلىس مينيسترلىگى وبلىستاردىڭ، استانا، الماتى جانە شىمكەنت قالالارىنىڭ اكىمدىكتەرىمەن بىرلەسىپ، وتاندىق ونەركاسىپتى تانىمال ەتۋ جانە قازاقستاندىق تاۋارلاردىڭ ءيميدجىن ارتتىرۋعا باعىتتالعان «وتاندىق ءوندىرىس» مەديا-جوباسىن ىسكە قوسادى.
مەديا-جوبا شەڭبەرىندە ەلەكتروندىق جانە باسپا ب ا ق وكىلدەرى، بلوگەرلەر، سونداي-اق ونەركاسىپ تالداۋشىلارى مەن قوعامدىق پىكىر كوشباسشىلارى ءۇشىن ارنايى باسپا ءسوز تۋرلارىن ۇيىمداستىرۋ جوسپارلانۋدا.
2023 جىلدىڭ اياعىنا دەيىن باسپا ءسوز تۋرلارىنا قاتىسۋشىلار الماتى جانە شىمكەنت قالالارىنىڭ، تۇركىستان، پاۆلودار، قاراعاندى، اقمولا وبلىستارىنىڭ ونەركاسىپتىك كاسىپورىندارىنا (توقىما كاسىپورىندارى، جيھاز شىعارۋ بويىنشا، ءىرى ونەركاسىپتىك زاۋىتتار، ونىڭ ىشىندە كەنتاۋ ترانسفورماتورلىق جانە «KamaTyresKZ» ج ش س) بارادى.
بۇدان باسقا، جەڭىل ونەركاسىپ، اۋىر ماشينا جاساۋ، ەلەكتروتەحنيكا، ءتۇستى مەتاللۋرگيا، حيميا، قۇرىلىس جانە اعاش وڭدەۋ ونەركاسىبى كاسىپورىندارى تۋرالى ماتەريالدار (سيۋجەتتەر) سيكلى دايىندالادى.
بۇدان باسقا، جەڭىل ونەركاسىپ، اۋىر ماشينا جاساۋ، ەلەكتروتەحنيكا، ءتۇستى مەتاللۋرگيا، حيميا، قۇرىلىس جانە اعاش وڭدەۋ ونەركاسىبى كاسىپورىندارى تۋرالى ماتەريالدار (سيۋجەتتەر) سيكلى دايىندالادى.
"وتاندىق ءوندىرىس" جوباسىنىڭ نەگىزگى ماقساتى قازاقستاننىڭ ونەركاسىپتىك كاسىپورىندارىنىڭ وڭ تاجىريبەلەرىن كورسەتۋ، وتاندىق تاۋارلار مەن قىزمەتتەردىڭ ءيميدجىن جاقسارتۋ، ەلىشىلىك قۇندىلىق يدەيالارىن ناسيحاتتاۋ، رەسپۋبليكاداعى كاسىپكەرلىكتى تانىمال ەتۋ.
وسى باعىتتاعى العاشقى باسپا ءسوز تۋرىن وتكىزۋ ا،ج. 21 قىركۇيەك كۇنى الماتى قالاسىندا وتكىزۋ جوسپارلانعان. قاتىسۋشىلار جەڭىل ونەركاسىپ باعىتىنداعى ەكى كاسىپورىنعا بارادى - "قازسپو-N" سپورتتىق كوستيۋمدەر تىگۋ بويىنشا جانە "قازلەگپروم-الماتى" كيىم جانە اياق كيىم ءوندىرىس ورنىنا بارادى.
وڭىرلەردەگى باسپا ءسوز تۋرلارى بويىنشا انونستار وبلىستىق جانە قالالىق اكىمدىكتەرىنىڭ سايتتارىندا جاريالاناتىن بولادى. جازبالاردى قاداعالاپ وتىرىڭىزدار!
الەۋمەتتىك جەلىلەردە جوبانى اقپاراتتىق قولداۋ #ءوتاندىقتوندىرىس حەشتەگى ارقىلى جاريالاناتىن بولادى.
جوباعا قاتىسۋ ءۇشىن «Qazindustry» قازاقستاندىق يندۋستريا جانە ەكسپورت ورتالىعىنا 87752244836 (دارحان) بايلانىس تەلەفونى ارقىلى نەمەسە d.zhumadilov@qazindustry.gov.kz ەلەكتروندىق مەكەنجايى بويىنشا حابارلاسۋعا بولادى.