رەسپۋبليكا سارايىندا ارداگەرلەرگە، وتان قورعاۋشىلارعا، سونداي-اق اسكەري جوعارى جانە ورتا وقۋ ورىندارىنىڭ كۋرسانتتارىنا ارنالعان مەرەكەلىك كونسەرت ءوتتى. ءىس-شاراعا الماتى قالاسىنىڭ اكىمى ەربولات دوسايەۆ قاتىستى.
كونسەرتتە قازاقستاندىق ەسترادا جۇلدىزدارى ءمادينا ءسادۋاقاسوۆا، «الاش ۇلى» توبى، سايا ماحامبەت جانە ت.ب. ارتيستەر وتان، ەل مەن جەر تۋرالى ءان سالدى.
سونىمەن قاتار، مەرەكەلىك كەشتە 38ء-شى دەسانتتىق-شابۋىلداۋ بريگاداسىنىڭ اسكەري ءانسامبلى ونەر كورسەتىپ، پاتريوتتىق اندەر ايتىپ، بي بيلەدى.
مەرەكە ارميا گەنەرالى، تاۋەلسىز قازاقستاننىڭ تۇڭعىش قورعانىس ءمينيسترى، حالىق قاھارمانى ساعادات نۇرماعامبەتوۆتىڭ، سونداي-اق ۇلى وتان سوعىسىنا قاتىسۋشى راقىمجان قوشقاربايەۆتىڭ 100 جىلدىعىنا ارنالدى. ولاردىڭ قۇرمەتىنە IL Canto كۆارتەتى «ساعادات» جانە «مىقتى ادامدار...» ءانىن ورىندادى.
كونسەرتتىك باعدارلاما ەسترادالىق-سيمفونيالىق وركەستردىڭ سۇيەمەلدەۋىمەن اسكەري انسامبل سوليستەرى شىرقاعان «مەنىڭ وتانىم» انىمەن اياقتالدى.
وتان قورعاۋشى كۇنىنە وراي، الماتىنىڭ بارلىق مەكتەبىندە «ەرلىك ساباقتارى»، سىنىپ ساعاتتارى، مانەرلەپ وقۋ سايىستارى جانە ت.ب. وتكىزىلدى.
ەستەرىڭىزگە سالا كەتەيىك، 7 مامىردا الماتىنىڭ اۋداندارىندا مەرەكەلىك ءىس-شارالار وتەدى.
بوستاندىق اۋدانىندا ساعات 09:00-دە «ەل ەرتەڭى - بۇگىنگى جاستار» اتتى سالتاناتتى ءىس-شارا ءوتىپ، اسكەري قىزمەتشىلەر ماراپاتتالادى، قوناقتار ءۇشىن ساپتىق مارش ۇيىمداستىرىلادى.
جەتىسۋ اۋدانىندا ساعات 11:00-دە «بەلگىسىز ساربازدىڭ ءقابىرى» ەسكەرتكىشىنە گۇل شوقتارى قويىلادى.
الاتاۋ اۋدانىندا ساعات 11:00-دە اكىمدىك عيماراتىنىڭ الدىندا «ەر ەسىمى – ەل ەسىندە» ەسكەرتكىشىنە گۇل شوقتارى قويىلادى. تولىعىراق Almaty.kz سايتىندا.