اعىمداعى جىلدىڭ 2-7 ماۋسىمى ارالىعىندا الماتىدا تاجىريبە الماسۋ، ماڭىزدى ماسەلەلەردى تالقىلاۋ جانە سەرىكتەستىك قاتىناستاردى ورناتۋ ءۇشىن بىرەگەي الاڭ بولىپ تابىلاتىن Eurasiadoc ورتالىق ازيا جانە ەۋروپا ەلدەرىنىڭ دەرەكتى فيلمدەر فورۋمى وتۋدە.
فرانسيانىڭ قر-داعى باس كونسۋلى فابريس نيەۆەنىڭ قاتىسۋىمەن فورۋمنىڭ رەسمي اشىلۋ ءراسىمى 5 ماۋسىمدا ساعات 09:00-دە «Almaty creative» كرەاتيۆتى يندۋستريالاردى دامىتۋ ورتالىعىندا وتەدى، دەپ حابارلايدى Almaty-akshamy.kz
«اشىلۋ سالتاناتىندا ورتالىق ازيا مەن ەۋروپانىڭ پروديۋسەرلىك ورتالىقتارى، تەليەۆيزيالىق جانە كينوكومپانيالارى تانىستىرىلادى. سونداي-اق ارمەنيا، قىرعىزستان، قازاقستان، وزبەكستان جانە تاجىكستاننان 12 دەرەكتى جوبا ۇسىنىلادى. ماقسات ― دەرەكتى فيلمدەردى بىرلەسىپ شىعارۋ مۇمكىندىكتەرىن اشۋ ءۇشىن ءارتۇرلى ەلدەردىڭ ماماندارىن بىرىكتىرۋ"، - دەدى DocMonde باعدارلاماسىنىڭ مەنەدجەرى بيانكا فونتە.
«Almaty Creative» كرەاتيۆتى يندۋستريالاردى دامىتۋ ورتالىعى باس ديرەكتورىنىڭ ورىنباسارى باقىت ەلۋبايەۆا اتاپ وتكەندەي، EurasiaDOC دەرەكتى كينو فورۋمى مادەني ءىس-شارالار كۇنتىزبەسىندەگى وقيعا عانا ەمەس، سونىمەن قاتار كرەاتيۆتى اقىل-ويلاردى بىرىكتىرۋ، سەرىكتەستىك بايلانىستاردى قالىپتاستىرۋ جانە ورتالىق ازيا ەلدەرىندە دەرەكتى كينەماتوگرافيانى دامىتۋدى قولداۋ ءۇشىن ماڭىزدى الاڭ بولىپ تابىلادى.
«الماتى قالاسىنىڭ كرەاتيۆتى يندۋستريالارىن قولداۋ ءبىزدىڭ قوعامداعى يننوۆاسيالار مەن مادەني ارتۇرلىلىكتى ىنتالاندىرۋداعى ستراتەگيالىق قادام بولىپ تابىلادى»، ― دەپ قوستى ول.
دەرەكتى فيلمدەر فورۋمى الماتى، ماركوۆ كوشەسى، 44 مەكەنجايى بويىنشا وتكىزىلەدى