پاندەميادان كەيىنگى قالپىنا كەلتىرۋ ستراتەگيالارى تالقىلانىپ جاتىر.
الماتىدا «COVID-تەن تىس - ورتالىق ازيادا ادىلدىك نەگىزىندە قالپىنا كەلتىرۋ جولىندا» ورتالىق ازيا ەلدەرىنىڭ تۇراقتى دامۋ سالاسىنداعى ماقساتتارى بويىنشا ەكىنشى وڭىرلىك سامميت ءوتىپ جاتىر، دەپ حابارلايدى Almaty-akshamy.kz Baq.kz سىلتەمە جاساپ.
ءسامميتتى قازاقستان رەسپۋبليكاسىنىڭ ۇكىمەتى ەۋروپالىق وداق پەن ازيا دامۋ بانكىنىڭ (ادب) قارجىلىق قولداۋىمەن قازاقستانداعى بۇۇ دامۋ باعدارلاماسىمەن (بۇۇدب) ارىپتەستىكتە ۇيىمداستىردى.
وڭىرلىك سامميتكە ءوڭىر ەلدەرى ۇكىمەتتەرىنىڭ ساياسي كوشباسشىلارى، حالىقارالىق ساراپشىلار، حالىقارالىق ۇيىمداردىڭ، ديپلوماتيالىق توپتاردىڭ وكىلدەرى، جەكە سەكتوردىڭ باسشىلارى جانە ورتالىق ازيانىڭ ازاماتتىق قوعامىنىڭ وكىلدەرى قاتىسىپ جاتىر.
ءسامميتتىڭ تاقىرىپتىق سەسسيالارى ورتالىق ازياداعى وڭىرلىك دامۋ سىن-قاتەرلەرىن جانە «جاسىل» ەكونوميكا مەن كليماتتىق كۇن تارتىبىنە نازار اۋدارا وتىرىپ، پاندەميادان كەيىنگى قالپىنا كەلتىرۋ ستراتەگيالارىن تالقىلاۋ ءۇشىن كوممۋنيكاسيالىق پلاتفورمالاردى ۇسىنادى. قالا اكىمدەرىنىڭ دوڭگەلەك ۇستەلى شەڭبەرىندە قاتىسۋشىلار ورتالىق ازياداعى ءىرى جانە شاعىن قالالاردى دامىتۋ ءۇشىن جەرگىلىكتى شەشىمدەردى جانە تدم (تۇراقتى دامۋ ماقساتتارى) وقشاۋلاۋ ارقىلى ولاردىڭ تۇراقتى دامۋعا كوشۋىن تالقىلايدى.
جەكەلەگەن سەسسيالار سونداي-اق مەملەكەتتىك قىزمەتتەردى سيفرلاندىرۋ، تۇراقتى دامۋ ءۇشىن ايەلدەر مەن جاستاردىڭ قۇقىقتارى مەن مۇمكىندىكتەرىن كەڭەيتۋ، تدم-گە قول جەتكىزۋدى جەدەلدەتۋ ءۇشىن تدم قارجىلاندىرۋدىڭ سينەرگياسىن قامتاماسىز ەتۋ جانە ارىپتەستىك ماسەلەلەرىنە ارنالادى.
بۇگىندە جاھاندىق ماقساتتارعا قول جەتكىزۋ ءۇشىن ۇلتتىق جانە وڭىرلىك دەڭگەيلەردە باتىل ءىس-قيمىل مەن جاڭاشىل ارىپتەستىك قاجەت. بۇل ەلدەر، سەكتورلار مەن ديسيپلينالار اراسىنداعى ارىپتەستىك پەن سىندارلى ديالوگتى تالاپ ەتەدى. بارلىق مۇددەلى تاراپتار – مەملەكەت، جەكە سەكتور، ۇلتتىق جانە حالىقارالىق ۇيىمدار – تۇراقتى دامۋعا قول جەتكىزۋ ءۇشىن قاجەتتى شارالار قابىلداۋدى قامتاماسىز ەتۋدە ءوز ءرولىن اتقارۋعا ءتيىس.