الماتىدا جاسوسپىرىمدەر مەن جاستار، ءجاسوسپىرىم قىزدار مەن بويجەتكەن قىزدار اراسىندا 2024 جىلعى ءورت-قۇتقارۋ سپورتىنان الەم چەمپيوناتى وتەدى، دەپ حابارلايدى aqshamnews.kz
15-18 تامىز ارالىعىندا قالا وسى اۋقىمدى وقيعانىڭ ورتالىعىنا اينالادى.
2014 جىلى الماتىدا ەرەسەكتەر اراسىندا حالىقارالىق جارىس وتكەن. سول كەزدە ءورت-قۇتقارۋ سپورتى تاريحىندا العاش رەت ايەلدەر اراسىنداعى چەمپيونات ۇيىمداستىرىلعان.
بيىل ۇزدىك جاس ءورت ءسوندىرۋشى-قۇتقارۋشى اتاعى ءۇشىن التى ەلدىڭ بەلارۋس، بولگاريا، قازاقستان، رەسەي، سلوۆاكيا، چەحيا كوماندالارى اراسىندا سايىس وتەدى. كامەرۋن مەن ساۋد ارابياسىنىڭ وكىلدەرى باقىلاۋشى بولادى.
اشىلۋ سالتاناتى 15 تامىزدا ساعات 20:00-دە ورتالىق ستاديوندا وتەدى.
بۇل ارنايى وتتى ەففەكتىلەر جانە ارتيستەر قاتىسقان جارقىن شوۋ بولادى.
جابىلۋ جانە ماراپاتتاۋ ءراسىمى 18 تامىزدا ساعات 20:00-دە وتەدى.
كوماندالاردى قولداڭىز، كىرۋ تەگىن!