الماتى قازاقستاندا وسى ساناتتاعى جارىستار وتەتىن العاشقى قالا.
الماتىدا 15-18 تامىز ارالىعىندا جاسوسپىرىمدەر مەن جاستار، ءجاسوسپىرىم قىزدار مەن بويجەتكەن قىزدار اراسىندا 2024 جىلعى ءورت-قۇتقارۋ سپورتىنان الەم چەمپيوناتى وتەدى، دەپ حابارلايدى aqshamnews.kz
بۇعان دەيىن، 2014 جىلى الماتى ەرەسەكتەر اراسىندا الەم چەمپيوناتىن وتكىزگەن بولاتىن، ءدال سول كەزدە ءورت-قۇتقارۋ سپورتى تاريحىندا العاش رەت ايەلدەر اراسىندا الەم چەمپيوناتى وتكىزىلدى.
الەمدەگى ۇزدىك جاس ءورت ءسوندىرۋشى-قۇتقارۋشى اتاعى ءۇشىن التى ەلدىڭ بەلارۋس، بولگاريا، قازاقستان، رەسەي، سلوۆاكيا، چەحيا كوماندالارى اراسىندا سايىس وتەدى. سونىمەن قاتار، كامەرۋن مەن ساۋد ارابياسىنىڭ وكىلدەرى باقىلاۋشى رەتىندە شاقىرىلعان.
ءتورت كۇن بويى سپورتشىلار ءورتتى ءسوندىرۋ تاجىريبەسىندە قولدانىلاتىن ءتۇرلى سىناقتاردى باعىندىرادى.
سالتاناتى اشىلۋ ءراسىمى 15 تامىزدا ساعات 20.00-دە ورتالىق ستاديوندا وتەدى. شوۋ ارنايى وتتى ەففەكتىلەرمەن، ەسترادا جۇلدىزدارىنىڭ قاتىسۋىمەن وتەتىن كونسەرتتىك باعدارلامامەن، تج جاعدايىندا ءورت سوندىرۋشىلەردىڭ كۇشىن كورسەتەتىن قۇتقارۋشى سپورتشىلاردىڭ جاندى جاندى قويىلىمدار كورسەتىلۋىمەن وتەدى. سونداي-اق قاتىسۋشى كوماندالاردىڭ شەرۋى وتەدى.
18 تامىزدا ساعات 20:00-دە سالتاناتى جابىلۋ ءراسىمى جانە الەم چەمپيوناتىنىڭ جەڭىمپازدارىن ماراپاتتاۋ ءراسىمى وتەدى. ورتالىق ستاديوندا "Has Sak" ەتنو-فولكلورلىق توبىنىڭ ارتىستەرى ونەر كورسەتەدى. ءىس-شارا سالتاناتتى وتشاشۋمەن اياقتالادى.
كۇنى مەن ۋاقىتى: 15 تامىز ساعات 20.00
مەكەن-جايى: ورتالىق ستاديون (ساتبايەۆ كوشەسى، 29/3)
كىرۋ تەگىن!