الماتى قالاسى توتەنشە جاعدايلار دەپارتامەنتىنىڭ باسپا ءسوز قىزمەتىنىڭ مالىمەتىنشە، ءورت 11 ماۋسىمعا قاراعان ءتۇنى الماتى قالاسىنداعى «كوكتەم-1» شاعىن اۋدانىندا بولعان.
سرايل ءدىناسىل ۇيىنە قايتىپ كەلە جاتقاندا ءتورتىنشى قاباتتاعى بالكوننىڭ جانىپ جاتقانىن بايقاعان. ول كىرە بەرىسكە جۇگىرىپ كىرىپ، ءورت بوپ جاتقانىن كورشىلەرىنە حابارلاۋ ءۇشىن ەسىكتەردى قاعا باستاپتى.ەسىكتەردىڭ ءبىرى اشىق تۇرعان، ودان ءتۇتىن شىعىپ جاتقان.
ءدىناسىل جەردە جاتقان ادامدى كورىپ، كورشىلەرىن كومەككە شاقىرعان. ءوزى ورامالدى سۋلاپ، پاتەرگە كىرىپ، جابىرلەنۋشىنى سىرتقا شىعارۋعا تالپىنعان. وعان سول ءۇيدىڭ ءۇي تۇرعىندارى ەرجان مەن تاسمۇحان ەسىمدى ازاماتتار كومەكتەسىپ، ولار بىرلەسىپ، 1954 جىلعى ەر ادامدى سىرتقا شىعارعان.
قۇتقارىلعان ەر ادام ورتالىق قالالىق كلينيكالىق اۋرۋحاناعا جەتكىزىلىپ، دارىگەرلەر قاراعاننان كەيىن ۇيىنە جىبەرىلدى.