الماتى قالاسى ءماسليحاتىنىڭ حححIح سەسسياسىندا دەپۋتاتتار جەرگىلىكتى بيۋدجەت ەسەبىنەن قارجىلاندىرىلاتىن اۋرۋلار مەن دارىلىك پرەپاراتتار ءتىزىمىن كەڭەيتۋ جونىندەگى ماسەلەنى ءبىراۋىزدان قولدادى. بۇل شەشىم ءۇش ءتۇرلى نوزولوگياعا شالدىققان التى پاسيەنتكە قاتىستى.
قارجىلاندىرۋدىڭ جالپى سوماسى 128 ملن تەڭگەنى قۇرايدى. قوعامدىق دەنساۋلىق ساقتاۋ باسقارماسى ۇسىنعان نوزولوگيالار الەۋمەتتىك ماڭىزى جوعارى، كەي جاعدايلاردا سيرەك ءارى اۋىر دەرتتەردىڭ ساناتىنا جاتادى.
جەرگىلىكتى بيۋدجەت ەسەبىنەن امبۋلاتوريالىق دەڭگەيدە دارىلىك پرەپاراتتار جۇيەلى قىزىل جەگى، قىسقا ىشەك سيندرومى جانە وپتيكوميەلونيەۆريت (ديەۆيك اۋرۋى) دياگنوزى بار پاسيەنتتەرگە جەتكىزىلەدى.
"بۇل پاتولوگيالارمەن اۋىراتىن ناۋقاستار ءۇشىن زاماناۋي پرەپاراتتاردى قولدانۋ – جاي عانا مەديسينالىق قاجەتتىلىك ەمەس، اۋرۋدى تۇراقتاندىرۋدىڭ، ەڭبەككە قابىلەتتىلىكتى ساقتاۋدىڭ جانە مۇگەدەكتىككە جول بەرمەۋدىڭ جالعىز جولى. ۇسىنىلعان ءاربىر ماسەلە – ءوڭىر تۇرعىندارىنىڭ ناقتى قاجەتتىلىگىنە نەگىزدەلگەن. ءار ساننىڭ ارتىندا قيىن ءومىر جاعدايىنا تاپ بولعان ادامدار مەن ولاردىڭ وتباسىلارى تۇر"، – دەدى الماتى قالاسى قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى ءلايلا يمانعالييەۆا.
ايتا كەتەيىك، قازاقستان رەسپۋبليكاسىنىڭ "حالىق دەنساۋلىعى جانە دەنساۋلىق ساقتاۋ جۇيەسى تۋرالى" كودەكسىنە سايكەس، 2017 جىلدان بەرى ورفان اۋرۋلارىمەن اۋىراتىن پاسيەنتتەر قىمبات دارىلىك پرەپاراتتارمەن نەگىزىنەن ءماسليحاتتاردىڭ شەشىمى بويىنشا جەرگىلىكتى بيۋدجەت ەسەبىنەن قامتاماسىز ەتىلەدى.