الماتىدا وقۋشىلار اراسىندا ايتىس ۇيىمداستىرىلدى

جىر الىبى جامبىلدىڭ تۋعانىنا - 175 جىل.

قالا كۇنى مەن جامبىل جابايەۆتىڭ تۋعانىنا 175 جىل تولۋ مەرەيتويىنا وراي قالادا ارنايى ءىس-شارالار ءوتتى. «ءجۇز جاساعان جامبىل» ءىس-شاراسى Open air جوباسى اياسىندا وتكىزىلدى، دەپ حابارلايدى Almaty-akshamy.kz. 

باستى ماقسات – قازاق حالىق پوەزياسىنىڭ ايگىلى تۇلعاسى، ولەڭ ءسوزدىڭ ءدۇلدىلى جامبىل جابايەۆتىڭ ءومىرى مەن شىعارماشىلىعىن قازىرگى جاستارعا ناسيحاتتاۋ. جوبا اياسىندا جابايەۆ ەسكەرتكىشى الدىنداعى اشىق الاڭدا وقۋشىلار اقىننىڭ ولەڭدەرىن وقىپ، ارنايى العىس حاتتارمەن ماراپاتتالدى.

«بۇل ءىس-شارانىڭ الماتى قالاسىنىڭ اكىمدىگىنە قاراستى رۋحاني جاڭعىرۋ باعدارلاماسى اياسىندا رۋحاني جاڭعىرۋ مەملەكەتتىك مەكەمەسى تىكەلەي ۇيىمداستىرىپ جاتقانى شىنىمەندە جانعا جىلۋ بەرەتىن، رۋحاني الەمدى ءبىر بيىك شىڭعا شىعاراتىن جاقسى ءبىر ءىس-شارا ءوتىپ جاتىر»، – دەدى قالالىق مادەنيەت باسقارماسى باسشىسىنىڭ ورىنباسارى دانيار الييەۆ.

سونداي-اق، ع.مۇسىرەپوۆ تەاترىنىڭ الدىندا اشىق الاڭ ساحناسىندا «جامبىل مەنىڭ ءجاي اتىم، حالىق مەنىڭ شىن اتىم» اتتى جاستار اراسىندا ايتىس ءوتىپ، «ءجۇز جاساعان جۇرەكتەن» اتتى تەاترلاندىرىلعان قويىلىم كورسەتىلدى.

ۇيىمداستىرۋشىلاردىڭ ايتۋىنشا، مۇنداي ءىس-شارالار الداعى ۋاقىتتا دا ءوز جالعاسىن تابادى.