قما الماتى قالاسى بويىنشا دەپارتامەنتى TikTok الەۋمەتتىك جەلىسى ارقىلى ونلاين-قۇمار ويىنداردى ۇيىمداستىرعان ەكى تۇرعىنعا قاتىستى سوتالدى تەرگەپ-تەكسەرۋ ءىسىن اياقتادى، - دەپ حابارلايدى aqshamnews.kz.
تەرگەۋ بارىسىندا كۇدىكتىلەردىڭ تۇراقتى تۇردە تىكەلەي ەفير وتكىزىپ، قۇمار ويىن ۇيىمداستىرعانى انىقتالدى.
ازاماتتار ويىنعا قاتىسۋ ءۇشىن اقشا قاراجاتىن بانك قوسىمشالارى ارقىلى ۇيىمداستىرۋشىلاردىڭ شوتتارىنا اۋدارىپ وتىرعان. جينالعان زاڭسىز تابىس كولەمى 10،5 ميلليون تەڭگەگە جەتكەن.
سوت ۇكىمىمەن ەكەۋى دە زاڭسىز ويىن بيزنەسىن ۇيىمداستىرعانى ءۇشىن كىنالى دەپ تانىلدى.
بىرىنە 1 جىل 6 اي مەرزىمگە باس بوستاندىعىنان ايىرۋ جازاسى تاعايىندالسا، ەكىنشىسى 2 جىل 6 ايعا بوستاندىعىن شەكتەۋ تۇرىندەگى جازاعا تارتىلدى.
ايتا كەتەيىك، TikTok-تاعى ويىنداردىڭ نەگىزگى اۋديتورياسىن جاستار بولعان.
بۇل – ينتەرنەت كەڭىستىگىندە بەلسەندى جاستاردىڭ قۇمار ويىندارىنا تارتىلۋ ءقاۋپىن ارتتىرىپ، زياندى ادەتتەرگە، تاۋەلدىلىككە جانە قارجىلىق قيىندىقتارعا اكەلۋى مۇمكىن ءقاۋىپتى الەۋمەتتىك ءۇردىس.