قارجى مونيتورينگى اگەنتتىگى "PokStars" جانە "LuckyShark" اتتى زاڭسىز ونلاين-قۇمار ويىندارىن ۇيىمداستىرعان تۇلعالار توبىنا قاتىستى تەرگەۋدى اياقتادى، دەپ حابارلايدى aqshamnews.kz
اگەنتتىكتىڭ مالىمەتىنشە، ءباس تىگۋلەر بانك ارقىلى قابىلدانىپ، ودان سوڭ ويىنشىلارعا جۇيەگە كىرۋ ءۇشىن لوگين مەن ءقۇپياسوز بەرىلگەن.
“قارجىلىق وپەراسيالار تۋىستارى مەن ءۇشىنشى تۇلعالاردىڭ، سونىڭ ىشىندە شەتەل ازاماتتارىنىڭ (دروپپەرلەردىڭ) اتىنا راسىمدەلگەن بانك كارتالارى ارقىلى جۇرگىزىلگەن. جاڭا ويىنشىلاردى تارتۋ ماقساتىندا الەۋمەتتىك جەلىلەردە ويىن كلۋبىن جارنامالايتىن نىسانالى جارناما قولدانىلعان”، – دەلىنگەن حابارلامادا.
سوت ۇكىمىمەن ءۇش كىنالى تۇلعا 2 جىل 6 ايدان 4 جىل 6 ايعا دەيىنگى مەرزىمگە باس بوستاندىعىنان ايىرىلدى.
سونداي-اق مەملەكەت پايداسىنا 116 ميلليون تەڭگە زاڭسىز تابىس پەن "ZEEKR" ماركالى اۆتوكولىك تاركىلەنگەن.