ولارعا مۇگەدەكتىك راسىمدەلمەگەن.
الماتىدا ونكولوگيالىق ناۋقاستاردىڭ قۇقىعى بۇزىلعانى انىقتالدى، دەپ حابارلايدى aqshamnews.kz پروكۋراتۋراعا سىلتەمە جاساپ.
پروكۋراتۋرا مالىمەتىنشە، الماتىداعى مەديسينا ۇيىمدارى ونكولوگيالىق اۋرۋلارى بار ناۋقاستارعا مۇگەدەكتىكتى بەلگىلەيتىن جولداما بەرمەگەن. سونىڭ سالدارىنان اۋىر دەرتكە ۇشىراعان ونكولوگيالىق ناۋقاستار كەپىلدەندىرىلگەن الەۋمەتتىك جاردەماقىلارىن الۋ مۇمكىندىگىنەن ايىرىلعان.
وسىعان بايلانىستى توعىز قالالىق ەمحانانىڭ باسشىلارى تارتىپتىك جاۋاپكەرشىلىككە تارتىلدى، سەگىز ناۋقاسقا ءبىرىنشى توپ مۇگەدەكتىگى راسىمدەلدى.
بۇعان دەيىن وسىنداي زاڭبۇزۋشىلىقتار شىمكەنتتە دە انىقتالعان بولاتىن.