وڭىرلىك كوممۋنيكاسيالار قىزمەتى الاڭىندا قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ ساراپشىلارى قاتىسقان بريفينگ ءوتتى.
الماتى شەتەلدىك پاسيەنتتەردى تارتاتىن، ونكولوگيالىق اۋرۋلاردى كەشەندى ەمدەيتىن نەگىزگى ورتالىقتىڭ بىرىنە اينالعان، - دەپ حابارلايدى Aqshamnews.kz.
قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ حيميوتەراپيا بولىمشەسىنىڭ مەڭگەرۋشىسى، قاۋىمداستىرىلعان پروفەسسور، مەديسينا عىلىمدارىنىڭ كانديداتى قالدىگۇل سماعۇلوۆانىڭ ايتۋىنشا، الماتىعا مەديسينالىق كومەك الۋ ءۇشىن قىرعىزستاننان، وزبەكستاننان، ازەربايجان مەن رەسەيدەن دە كەلە باستاعان. شەتەلدىكتەر مۇندا نەگىزىنەن كەشەندى دياگنوستيكادان ءوتىپ، جان-جاقتى ەم الادى ەكەن.
«قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ دەرەگىنە توقتالساق، 2025 جىلى بىزدە شامامەن 500-گە جۋىق شەتەلدىك ازامات دياگنوستيكا مەن ەم قابىلداعان. بۇل كورسەتكىش جىل سايىن ءوسىپ كەلە جاتىر»، - دەيدى قالدىگۇل سماعۇلوۆا.
ول پاسيەنتتەردىڭ ساۋلەلىك تەراپيا، ىسىككە قارسى دارىلىك تەراپيا، سونداي-اق حيرۋرگيالىق ەمنىڭ جەكەلەگەن ءتۇرىن الۋ ءۇشىن كەلەتىنىن ناقتىلادى. مامانداردىڭ ايتۋىنشا، الماتىدا ونكولوگيالىق كومەكتىن تولىق سيكلى بولعاندىقتان، وسى زامانعى مەديسينالىق تەحنولوگيالاردىڭ كومەگىمەن ەمدەيتىندىكتەن سۇرانىس تا ارتىپتى.
قازاق ونكولوگيا جانە راديولوگيا عىلىمي-زەرتتەۋ ينستيتۋتى باسقارما ءتوراعاسىنىڭ ورىنباسارى ايشا مولداشيەۆا مەديسينالىق ءتۋريزمنىڭ دامۋى زاماندىق ونكولوگيالىق كومەكتىڭ ساپاسى مەن قولجەتىمدىلىگىنە تىكەلەي بايلانىستى ەكەنىن اتاپ ءوتتى. ونكولوگيالىق اۋرۋلار تۋرالى ەڭ كەڭ تاراعان ميفتەردىڭ ءبىرى - قاتەرلى ىسىكتى ۇكىم رەتىندە قابىلداۋ ەكەنى ايتادى.
«ءقازىر قاتەرلى ىسىكتىڭ بارلىق ءتۇرىن ەمدەيدى، ولار بارعان سايىن باسقارىلاتىن سوزىلمالى جاعدايلار ساناتىنا ءوتىپ جاتىر. قازىرگى زامانعى ونكولوگيا - بۇل جوعارى تەحنولوگيالىق حيرۋرگيالىق ەم، ءدال ساۋلەلىك تەراپيا، سونداي-اق حيميوتەراپيا، سونىڭ ىشىندە يممۋندىق-ونكولوگيالىق جانە نىسانالى دارىلىك تەراپيا»، - دەدى ايشا مولداشيەۆا.
سونداي-اق ول ەرتە دياگنوستيكا مەن سكرينينگتىك باعدارلامالاردىڭ ەم تيىمدىلىگىن تىكەلەي ارتتىراتىنىن جانە حالىق ءۇشىن كەپىلدەندىرىلگەن تەگىن مەديسينالىق كومەك كولەمى اياسىندا قولجەتىمدى ەكەنىن ەسكە سالدى.