تۋىندى اقىننىڭ 85 جىلدىعىنا وراي شىعارىلعان.
بۇگىن ءابىلحان قاستەيەۆ اتىنداعى ق ر مەملەكەتتىك ونەر مۋزەيىندە «ولجاس سۇلەيمەنوۆ» ارت-البومىنىڭ تۇساۋكەسەر ءراسىمى ءوتتى، دەپ حابارلايدى Almaty-akshamy.kz Almaty.tv سىلتەمە جاساپ.
تۇركسوي ۇيىمىنىڭ باستاماسىمەن جارىق كورگەن تۋىندى اقىننىڭ 85 جىلدىعىنا وراي شىعارىلعان. وندا ولجاس سۇلەيمەنوۆتىڭ ولەڭدەرىنەن اسەر العان تۇركى الەمى سۋرەتشىلەرىنىڭ ەڭبەكتەرى بەينەلەنگەن. ايتا كەتۋ كەرەك، تۇركسوي ۇيىمى بۇعان دەيىن وسىعان ۇقساس "اباي"، "ءۇش ارىس"، "شىڭعىس ايتماتوۆ" كىتاپتارىن دا شىعارعان ەدى.
«ءتۇرلى مادەنيەت پەن حالىقتى جاقىنداستىرۋ وتە ماڭىزدى. سوندا عانا الەمدە بەيبىتشىلىك بولادى. بۇگىندە مادەنيەتتەر جاقىنداسۋىنىڭ حالىقارالىق ونجىلدىعىنىڭ دا اياقتالىپ قالعانىن كورىپ وتىرمىز. الەمدە بىرلىكتى تۋ ەتەتىن وسىنداي باستامالار كوپ بولۋى ءتيىس»، - دەدى قازاقستاننىڭ حالىق جازۋشىسى، اقىن، مەملەكەت جانە قوعام قايراتكەرى ولجاس سۇلەيمەنوۆ.