Nur Otan پارتياسىنىڭ الماتى قالالىق فيليالىنىڭ ءتوراعاسى، مەگاپوليس اكىمى باقىتجان ساعىنتايەۆ قازاقستان تاۋەلسىزدىگىنىڭ 30 جىلدىعى اياسىندا اشىلعان پارتيانىڭ اۋداندىق فيليالدارىنىڭ جاڭا عيماراتتارىندا بولدى.
اۋەزوۆ اۋدانىنداعى پارتيا فيليالى شالياپين كوشەسىندەگى جاڭا عيماراتتا ورنالاسقان، دەپ حابارلايدى Almaty-akshamy.kz
الماتى اكىمى باقىتجان ساعىنتايەۆ فيليالدىڭ كەڭ بولمەلەرىن ارالاپ شىقتى. مۇندا ءماجىلىس زالى جانە جۇمىس كابينەتتەرى ورنالاسقان.
تاعى ءبىر فيليال ناۋرىزباي اۋدانىنىڭ اكىمشىلىك ورتالىعىندا اشىلدى. جاقىن ماڭدا دەمالىس ساياباعى بار، مەكتەپتەر مەن تۇرعىن ءۇي كەشەندەرى سالىنۋدا. عيماراتتا جۇمىس ىستەۋ جانە قالالىقتاردى قابىلداۋ ءۇشىن بارلىق جاعدايلار جاسالعان.
پارتيانىڭ الماتى قالالىق فيليالى باستاۋىش پارتيا ۇيىمدارىنىڭ سانى بويىنشا ەل وڭىرلەرى اراسىندا كوشباسشى بولىپ تابىلادى. سونىمەن قاتار، Nur Otan پارتياسىنىڭ قالالىق فيليالىنا ءوتىپ بارا جاتقان جىلى عانا ازاماتتاردىڭ بارلىق ساناتتارىنان 8000-نان استام ءوتىنىش كەلىپ ءتۇستى، ولاردىڭ 70%-ى وڭ شەشىمىن تاپتى.
ەسكە سالساق، بۇگىندە Nur Otan پارتياسى الماتى قالاسىنىڭ بارلىق سەگىز اۋدانىندا ۇسىنىلعان جانە 60 مىڭعا جۋىق پارتيا مۇشەسى بار.