الماتىدا جاڭبىر كەزىندە كوممۋنالدىق قىزمەتتىڭ 52 ءموبيلدى بريگاداسى جۇمىلدىرىلادى، دەپ حابارلايدى almaty-akshamy.kz
الماتى قالاسىندا 12 ءساۋىر كۇنى ساعات 05.00-دەن 08.00 دەيىن 15 مم نوسەر جاۋادى. «قازگيدرومەت» رمك بولجاۋىنشا، جاڭبىر تۇسكە دەيىن جاۋادى.
سۋ تاسقىنىنىڭ الدىن الۋ جانە بولدىرماۋ ءۇشىن 433 بىرلىك ارنايى تەحنيكا، 18 موتوپومپا جانە 830 جۇمىسشى جۇمىلدىرىلادى. ارىق جەلىلەرى ارقىلى سۋدىڭ كەدەرگىسىز اعىپ كەتۋى ءۇشىن 52 جەدەل ءموبيلدى بريگادا اتسالىسادى.
اۋا-رايىنىڭ بۇزىلۋىنا بايلانىستى جۇرگىزۋشىلەرگە اعاشتاردىڭ قۇلاۋ جانە ەلەكتر جەلىلەرىنىڭ ءۇزىلۋ قاۋپىنە بايلانىستى اۆتوكولىكتى جول جيەگىنە قويماۋعا كەڭەس بەرەمىز. سۋ تاسقىنىنىڭ الدىن الۋ ءۇشىن قالا تۇرعىندارىنان ارىق پەن كانالدى قوقىسقا تولتىرىپ، بىتەپ تاستاماۋدى سۇرايمىز. قانداي دا ءبىر اۋماقتى سۋ باسسا، جەدەل شارا قولدانۋ ءۇشىن اۋدان اكىمدىكتەرىنە جۇگىنۋگە نەمەسە +7 706 689 8898 What’s app نومىرىنە حابارلاما جازۋعا بولادى.