«قازگيدرومەت» رمك بولجامى بويىنشا، 20-22 ناۋرىز ارالىعىندا الماتىدا اۋا رايى بۇزىلىپ، نوسەرلى جاۋىن-شاشىن بولادى دەپ كۇتىلۋدە، وسىعان بايلانىستى قالالىق كوممۋنالدىق قىزمەتتەر دايىندىققا كەلتىرىلدى.
قازىرگى ۋاقىتتا 536 جۇمىسشى مەن 89 بىرلىك ارنايى تەحنيكانىڭ كۇشىمەن ارىق جەلىلەرىن، ارىق وتكەلدەرىن جانە كەزدەيسوق قوقىسقا اينالعان جەرلەردى تازالاۋ جۇمىستارى جۇرگىزىلۋدە. وڭتۇستىكتەن سولتۇستىككە قاراي ورنالاسقان نەگىزگى مەريدياندىق ارىقتاردى تازارتۋ اياقتالدى. كولدەنەڭ ارىق جەلىلەرىن جيناۋ جۇمىستارى جالعاسۋدا. 18 ناۋرىزداعى جاعداي بويىنشا 640 توننا قوقىس، سازدى بالشىق، لاي جانە مۇز شىعارىلدى.
جاۋىن-شاشىن كەزىندە سۋ باسۋدىڭ الدىن الۋ ءۇشىن موتوپومپالارمەن جانە شانس قۇرالدارىمەن جابدىقتالعان 52 جەدەل ءموبيلدى بريگادانىڭ كەزەكشىلىگى ۇيىمداستىرىلادى. 2،3 مىڭنان استام قاپ قۇم دايىندالدى. اۋداندىق اكىمدىكتەردە جۇمىس ءوندىرىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلاتىن بولادى.
اۋا-رايىنىڭ ناشارلاۋىنا بايلانىستى تۇرعىندارعا تاۋعا بارۋدان باس تارتۋعا، جۇرگىزۋشىلەرگە اعاشتاردىڭ قۇلاۋ ءقاۋپى مەن ەلەكتر جەلىلەرىنىڭ ۇزىلۋىنە بايلانىستى كولىكتەردى جول جيەگىنە قويماۋعا كەڭەس بەرىلەدى. سۋ باسىپ قالۋدى بولدىرماۋ ءۇشىن قالا تۇرعىندارىنان ارىقتاعا، نوسەر اعىندارى مەن كانالدارعا قوقىس تاستاماۋدى ءوتىنىپ سۇرايمىز.
الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسى