الماتىدا اۋا رايى بۇزىلادى دەپ بولجانىپ وتىر، دەپ حابارلايدى Almaty-akshamy.kz الماتى قالاسى كوممۋنالدىق ينفراقۇرىلىمدى دامىتۋ باسقارماسىنا سىلتەمە جاساپ.
الماتى قالاسىندا 6 ءساۋىر كۇنى شامامەن ساعات 17:00-دەن كەيىن 7 ءساۋىر تاڭعا دەيىن جاڭبىر جاۋادى دەپ بولجانىپ وتىر.
جاۋىن-شاشىن كەزىندە 235 بىرلىك ارنايى تەحنيكا، 210 جۇمىسشى جانە 51 جەدەل ءموبيلدى بريگادا كەزەكشىلىككە شىعادى، ولار سۋ باسۋدىڭ الدىن الۋ جانە پروبلەمالىق اۋماقتا سۋدىڭ كەدەرگىسىز اعىپ كەتۋىن قامتاماسىز ەتۋ ءۇشىن موتوپومپالارمەن جانە شانس قۇرالدارىمەن جابدىقتالعان. 2 مىڭنان استام قاپ قۇم دايىندالدى. اۋدان اكىمدىكتەرىندە اتقارىلىپ جاتقان جۇمىستاردى باقىلاۋ ءۇشىن تاۋلىك بويى كەزەكشىلىك ۇيىمداستىرىلادى.
6 ساۋىردە ساعات 17:00-دەن كەيىن 8 مم-گە دەيىن جاڭبىر سىركىرەيدى دەپ بولجانۋدا. كۇندىز اۋا تەمپەراتۋراسى +15...+17، تۇندە +10…+12 گرادۋس. 7 ساۋىردە 8 مم-گە دەيىن نوسەر جاڭبىر جاۋادى. تۇندە اۋا تەمپەراتۋراسى +8...+10، كۇندىز +12...+14 گرادۋس.
اۋا-رايىنىڭ بۇزىلۋىنا بايلانىستى جۇرگىزۋشىلەرگە اعاشتاردىڭ قۇلاۋ جانە ەلەكتر جەلىلەرىنىڭ ءۇزىلۋ قاۋپىنە بايلانىستى اۆتوكولىكتى جول جيەگىنە قويماۋعا كەڭەس بەرەمىز. سۋ تاسقىنىنىڭ الدىن الۋ ءۇشىن قالا تۇرعىندارىنان ارىق پەن كانالدى قوقىسقا تولتىرىپ، بىتەپ تاستاماۋدى سۇرايمىز.
قانداي دا ءبىر اۋماقتى سۋ باسسا، جەدەل شارا قولدانۋ ءۇشىن اۋدان اكىمدىكتەرىنە جۇگىنۋگە نەمەسە +7 706 689 8898 What’s app نومىرىنە حابارلاما جازۋعا بولادى.