الماتى جاستارى ءۇشىن جاڭا پلاتفورما: قاتىسۋشىلاردىڭ 70 پايىزى جۇمىسقا ورنالاسا الادى
الماتىدا جاس مامانداردى قولداۋ ءۇشىن قالالىق مانساپ ورتالىعى ۇيىمداستىرعان «Next Generation Leaders» بىرەگەي وليمپياداسى باستالادى. بۇل جوبا كادرلىق رەزەرۆتى قالىپتاستىرۋعا جانە جاستار جۇمىسسىزدىعىنىڭ دەڭگەيىن تومەندەتۋگە باعىتتالعان، دەپ حابارلايدى aqshamnews.kz
وليمپيادا ءۇش كەزەڭنەن تۇرادى: ونلاين تەستىلەۋ، كەيس-چەمپيونات جانە پراكتيكالىق تاپسىرمامەن جەكە سۇحبات. جاس ماماندار تۇيىندەمە جاساۋدى، جۇمىس بەرۋشىلەرمەن ديالوگ جۇرگىزۋدى جانە وزدەرىنىڭ كاسىبي داعدىلارىن كورسەتۋدى ۇيرەنەدى.
قالالىق مانساپ ورتالىعىنىڭ جۇمىس بەرۋشىلەرمەن جۇمىس ءبولىمىنىڭ باسشىسى اقارىس تورەبەكوۆتىڭ ايتۋىنشا، جوبا قالانىڭ 15 جوعارى وقۋ ورنىن قامتىدى جانە قاتىسۋشىلاردىڭ 70%-دان استامى بارلىق كەزەڭنەن وتكەننەن كەيىن جۇمىس تابا الادى دەپ كۇتىلۋدە.
«Next Generation Leaders وليمپياداسى» - بۇل جاي عانا بايقاۋ ەمەس، جاستاردىڭ الەۋەتىن اشۋعا ارنالعان تولىققاندى الاڭ. ءبىز ءاربىر تۇلەكتىڭ بولاشاعىنا سەنىمدى بولعانىن جانە لايىقتى جۇمىس تاپقانىن قالايمىز»، - دەدى تورەبەكوۆ.
ول بۇل باستامالار الماتىدا جاڭا مۇمكىندىكتەر جاساۋعا جانە جۇمىسسىزدىق دەڭگەيىن تومەندەتۋگە باعىتتالعان جاستاردى قولداۋدىڭ كەشەندى باعدارلاماسىنىڭ ءبىر بولىگى ەكەنىن ايتتى.
باعدارلاماعا قاتىسۋعا ءوتىنىم قابىلداۋ 26 قاڭتارعا دەيىن جالعاسادى. تىركەۋ مىنا سىلتەمەگە ءوتىڭىز: https://forms.gle/6gWS8TNY8dPaxb9x9.
جوبا تۋرالى تولىق اقپارات الۋ ءۇشىن مىنا نومىرلەرگە حابارلاسۋعا بولادى: اقارىس - 8 (747) 963 31 35؛ 8 (708) 769-19-97 رايحان.