الماتىنىڭ ناۋرىزباي اۋدانىندا ارىق جۇيەسىن دامىتۋ جۇمىستارى جالعاسۋدا. قازىرگى ۋاقىتتا اۋداننىڭ 348 كوشەسىنىڭ 105-ىندە ارىق بار، ولاردىڭ جالپى ۇزىندىعى 108 شاقىرىم. بۇل تۋرالى ناۋرىزباي اۋدانىنىڭ اكىمدىگى حابارلادى.
قارقىندى ءوسىپ كەلە جاتقان تۇرعىن ايماقتاردى ەسكەرە وتىرىپ، 2026 جىلى 31 شىلدەگە دەيىن ەكولوگيا جانە قورشاعان ورتا باسقارماسىمەن بىرلەسىپ، 20 كوشەگە جاڭا ارىقتار سالۋ جانە ارىق ارنالارىنان وتەتىن 12 جاياۋ جۇرگىنشى مەن كولىك وتكەلىن قايتا جاڭعىرتۋ جوسپارلانعان. بۇل جۇمىستار سۋ تاسقىنى ءقاۋپىن ازايتىپ، جول جابىندىسىن ساقتاۋعا، تۇرعىندار ءۇشىن ءقاۋىپسىز ءارى جايلى جاعداي جاساۋعا مۇمكىندىك بەرەدى.
«اۋدانىمىز قارقىندى دامىپ كەلەدى. ارىق جۇيەسىن جەتىلدىرۋ – ءار تۇرعىننىڭ جايلىلىعى مەن قاۋىپسىزدىگىنە قوسىلعان ۇلەس»، – دەيدى اۋدان اكىمدىگىنىڭ وكىلدەرى.
تۇرعىندار دا وزگەرىستى قولداپ وتىر.
«جاڭا ارىقتار سالىنسا، سۋ تەز اعىپ كەتەدى، كوشەلەر تازا بولادى، اۋلالارعا سۋ جينالمايدى. بۇل اسىرەسە، جاڭبىرلى ماۋسىمدا وتە ماڭىزدى»، – دەدى «قالقامان» شاعىناۋدانىنىڭ تۇرعىنى ايمان.
اۋداننىڭ نەگىزگى بولىگىن قامتيتىن جۇمىستار ءقازىر «قالقامان» شاعىناۋدانىندا قولعا الىنعان.
جاڭا ارىق سالىناتىن كوشەلەر:
1. احانوۆ كوشەسى – 769،8 م
2. نۇرمۇحامەدوۆ كوشەسى – 566،7 م
3. تاجىبايەۆ كوشەسى – 688 م
4. نادىروۆ كوشەسى – 404،3 م
5. بەگايىل كوشەسى – 421،1 م
6. ايىمبەتوۆ كوشەسى – 723،3 م
7. رىمجانوۆ كوشەسى – 660،2 م
8. سلانوۆ كوشەسى – 572،6 م
9. نۇرشايىقوۆ كوشەسى – 837،9 م
10. قىران كوشەسى – 605،7 م
11. ديحان كوشەسى – 398،4 م
12. ارمان كوشەسى – 1126،1 م
13. ايبوليت كوشەسى – 940،5 م
14. حريششاتىي كوشەسى – 575،1 م
15. بەكتەمباي كوشەسى – 570،5 م
16. اكىمشىلىك كەشەن اۋماعى – 841،8 م
17. قىدىربەكوۆ كوشەسى – 869،9 م
18. «قالقامان-2» كوشەسى – 311،1 م
19. بەرەل كوشەسى (كەلىمبەتوۆ كوشەسىنەن باستاپ) – 1124،5 م
20. ساعدييەۆ كوشەسى – 612،3 م
قايتا جاڭعىرتۋدان وتەتىن اۋماقتار:
1. قۇندىزدى ك-سى، 20/2 – 35 م
2. گروزا – جاندوسوۆ كوشەلەرى قيىلىسى – 20 م
3. رىسقۇلوۆ ك-سى، 86–86ا – 20 م
4. ايتماتوۆ كوشەسى – 60 م
5. بالبىراۋىن كوشەسى – 30 م
6. گروزا – جىگەر كوشەلەرى قيىلىسى – 10 م
7. بايتەلى باتىر كوشەسى – 200 م
8. قۇرالاي كوشەسى، 1 – 50 م
9. جالىن كوشەسى، 1ب – 250 م
10. «تاۋ سامۇرىق» سو، 2-ۋچاسكە – 250 م