جاقىندا الماتىدا «جاڭا قازاقستان» قوعامدىق جاستار قوزعالىسى قۇرىلدى. ۇيىمداستىرۋشىلار وزدەرىنىڭ العاشقى ءىس-شاراسىن كوكتەمگى ناۋرىز مەرەكەسى قارساڭىندا ستۋدەنتتەرمەن وتكىزۋدى ۇيعاردى. ول ءۇشىن «الماتى ارەنادا» بەلگىلى ارتىستەر، سپورتشىلار، قوعام قايراتكەرلەرى مەن بيزنەسمەندەردىڭ قاتىسۋىمەن فەستيۆال ۇيىمداستىرىلدى، دەپ حابارلايدى اlmaty-akshamy.kz
وسىلايشا، قوزعالىس باستاماشىلارى مەگاپوليس جاستارىن جاڭا قازاقستاننىڭ قۇرىلىسىنا كومەكتەسەتىن جاڭا جەتىستىكتەرگە ىنتالاندىرۋعا شەشىم قابىلدادى.
الماتى فەستيۆالى ستۋدەنت جاستاردى، قوعامدىق بىرلەستىك بەلسەندىلەرىن بىرىكتىردى. ءبىر ساحنادا ءار ءتۇرلى جانرلار مەن ستيلدەر، ءارتۇرلى جاس، مادەنيەت، باعىتتار كەزدەستى. جاس الماتىلىقتار ۋاقىتتى كوڭىلدى وتكىزىپ قانا قويماي، ەڭ باستىسى – ولار بىرىگۋ فورماتىن جانە الداعى جۇمىستىڭ باعىتتارىن تالقىلاي الدى.
پرەزيدەنت قاسىم-جومارت توقايەۆ ءوز جولداۋىندا اتاپ وتكەندەي: «جاڭا قازاقستان – قازىرگى ۇرپاقتىڭ بولاشاققا دەگەن كەلىسىمى. جاڭا قازاقستاندى بىرگە قۇرايىق! قاسيەتتى وتانىمىز گۇلدەنە بەرسىن!»
«جاڭا قازاقستان» قوزعالىسىنىڭ نەگىزىن قالاۋشىلاردىڭ ءبىرى كاسىپكەر سىرىمبەك تاۋ سەرىكتەستەرىمەن بىرگە قوعامدىق قوزعالىس قۇرۋ جانە ءوز قارجىسىنا كونسەرت-فەستيۆال وتكىزۋ تۋرالى شەشىم قابىلداعانىن اتاپ ءوتتى.
«جاڭا قازاقستاندى قۇرۋ ءبىزدىڭ قولىمىزدا. بىزگە سىزدەر سياقتى ءبىلىمدى جانە جىگەرلى جاستار كەرەك! وتاندىق كاسىپكەرلىكتى دامىتۋ جاستارعا، كوشباسشىلارعا بايلانىستى. جاستار ءارقاشان قوزعاۋشى كۇش بولدى»، - دەدى س. تاۋ.
ول فەستيۆالدەن كەيىن الماتى جاستارى بەلسەندىلىك پەن سىندارلى يدەيالارعا تولى بولادى دەگەن ءۇمىتىن ءبىلدىردى.
فەستيۆالدىڭ بارلىق قاتىسۋشىلارى جاڭا باعىت جانە وعان جاس قازاقستاندىقتاردى كەڭىنەن تارتۋ تۋرالى ايتتى. فەستيۆال قوناعى پروديۋسەر جانە مۋزىكانت ازات ابىكەن جاس الماتىلىقتارعا ءوزىنىڭ ءپاتريوتيزمى تۋرالى ايتىپ بەردى.
«مەن كوپتەگەن ەلدەر مەن قالالاردا بولدىم. بايقاعانىم، مىنا جارىق دۇنيەدە ءبىزدىڭ ەلدەن ارتىق ەشتەڭە جوق، ول- قازاقستان. شاعىمدانۋدىڭ، بىرەۋدى كىنالاۋدىڭ، بىرەۋ كومەكتەسپەدى دەپ ايتۋدىڭ قاجەتى جوق. ەلىمىزدى بىرگە جاقسارتايىق. كۇشىمىز - بىرلىكتە. سول ارقىلى ءبىز بارلىق مەجەلەردى باعىندىرامىز»، - دەپ اتاپ ءوتتى ازات ابىكەن.
فەستيۆالدىڭ باستى ءمانى - قازىرگى جاستاردىڭ سۇيىكتى حيتتەرىن ورىنداعان قازاقستاندىق ەسترادا جۇلدىزدارىنىڭ ونەر كورسەتۋى بولدى.