الماتىدا ناۋرىز مەرەكەسى قالاي وتەدى؟
الماتىدا ناۋرىز مەرەكەسى اياسىندا قالانىڭ بارلىق اۋداندارىندا 80-نەن استام ءتۇرلى ءىس-شارالار وتكىزۋ جوسپارلانۋدا. قالا تۇرعىندارى مەن قوناقتارىن وتاندىق ارتىستەردىڭ كونسەرتتەرى، ۇلتتىق جارىستار، تەاتر قويىلىمدارى مەن شوۋلار كۇتەدى، دەپ حابارلايدى Almaty-akshamy.kz
نەگىزگى ءىس-شارالار 21 ناۋرىزدا ساعات 11.00-دەن 17.00-گە دەيىن پانفيلوۆ، جىبەك جولى جانە تولە بي كوشەلەرىندە وتەدى، وندا 50-دەن استام شسپ-دەر، ساۋلەت نىساندارى مەن قوندىرعىلار ورناتىلادى. جاياۋ جۇرگىنشىلەر كوشەلەرىندە ستيلدەندىرىلگەن كيىز ۇيلەر تىگىلىپ، قولونەرشىلەردىڭ جارمەڭكەسى، مەيرامحانالار اللەياسى، سۋرەتشىلەردىڭ كورمەلەرى مەن بالالار ايماقتارى ۇيىمداستىرىلادى.
پانفيلوۆ پەن قاراساي باتىر كوشەسىندەگى شاعىن ساحنادا ساعات 11.00-17.00 ارالىعىندا كونسەرتتىك باعدارلامامەن پ. چايكوۆسكيي اتىنداعى الماتى مۋزىكالىق كوللەدجىنىڭ ستۋدەنتتەرى، بالالار شىعارماشىلىق ۇجىمدارى، ديدجەيلەر مەن ينتەراكتيۆتەر، ديانا شاراپوۆا مەكتەبى جانە مۇرات مۇتۇرعانوۆ ءوز ونەرلەرىن كورسەتەدى.
جىبەك جولى كوشەسىندەگى ساحنادا ساعات 11.00-17.00 ارالىعىندا «الماتى اۋەندەرى»، «بوزتورعاي» حالىقارالىق بالالار فەستيۆالى كونسەرتتىك باعدارلاماسىن ۇسىنسا، ديدجەيلەر مەن ينتەراكتيۆتەر جانە شىعارماشىل جاستار ءوز ونەرلەرىن كورسەتەدى.
«الاتاۋ» ءداستۇرلى ونەر تەاترىنىڭ الدىنداعى الاڭدا ساعات 12.00-دەن 17.00-گە دەيىن كونسەرتتىك باعدارلاما، ۇلتتىق داستۇرلەر كورسەتىلىمى ۇيىمداستىرىلادى، ساعات 16.00-دەن كەشكى كونسەرت باستالادى.
قالامىزدىڭ نەگىزگى كونسەرتى 21 ناۋرىز كۇنى ساعات 12.00-دە قبتۋ عيماراتى الدىنداعى «استانا» الاڭىندا وتەدى. كورەرمەندەرگە قازاق مادەنيەتىنىڭ وزىندىك ەرەكشەلىگىن كورسەتەتىن باراباندار، داۋىلپازدار مەن قوبىزداردى قولدانا وتىرىپ، تەاترلاندىرىلعان شوۋ ۇسىنىلادى.
وسى ءىس-شارا ءۇشىن ارنايى زاماناۋي وڭدەۋدە مۋزىكالىق ەتنو-فولكلورلىق كومپوزيسيا جازىلدى. مەرەكەلىك كونسەرتكە بارلىعى 500-دەن استام ءارتىس قاتىسادى. سونىمەن قاتار، ساحنادا 100-دەن استام ادام ونەر كورسەتەدى.
قويىلىمدا الىبەك دىنىشيەۆ، روزا رىمبايەۆا، جاميليا سەركەبايەۆا، رۋحيا بايدۋكەنوۆا، تامارا اسار، پارۆيز نازاروۆ، سيتورا، ديلناز احمادييەۆا، ديانا شاراپوۆا، دينايا، ارداق بالاجانوۆا، ايگۇل ەلشىبايەۆا، ايگۇل قوسانوۆا، ەرلان رىسقالي، ەربولات چالدىبەكوۆ، ارداق بالاجانوۆا، ءالي وقاپوۆ، «KeshYou»، «بلوكباستەر» شوۋ-بالەتى، دومبىراشىلار ءانسامبلى، «سالتانات» بي ءانسامبلى، «سارىن» توبى، «Filigram» شەكتى اسپاپتار كۆارتەتى جانە ت.ب. قاتىسادى.
تەاتر قويىلىمدارىمەن قاتار رەترو موتيۆتەر، سونداي-اق زاماناۋي كومپوزيسيالار ۇسىنىلادى. «بوزتورعاي» بالالار حورى ناۋرىز مەيرامىنا ارنايى جازىلعان قازاق جانە ورىس تىلدەرىندە «بەيبىتشىلىك بۇكىل الەمدە» («مير ۆسەم ميرە») ءانىن ورىندايدى.
21-22 ناۋرىزدا عىلىم اكادەمياسى عيماراتىنىڭ الدىنداعى الاڭدا «قازاق اۋەندەرى» اق نۇر-سۇلتان قالاسىنىڭ ارتىستەرىنىڭ قاتىسۋىمەن كونسەرتتىك باعدارلاما ۇيىمداستىرادى.
سونىمەن قاتار، مەرەكەلىك كونسەرتتەر قالانىڭ ءار اۋدانىندا وتەدى:
- المالى اۋدانىندا 22 ناۋرىز كۇنى ساعات 12.00 – 17.00 ارالىعىندا م. گاندي اتىنداعى پاركتە؛
- اۋەزوۆ اۋدانىندا 21 ناۋرىزدا ساعات 11.00-15.00 ارالىعىندا اۋەزوۆ اۋدانى اكىمدىگىنىڭ الدىنداعى الاڭدا؛
- الاتاۋ اۋدانىندا 22 ناۋرىزدا ساعات 11.00-14.00 ارالىعىندا «الاتاۋ» ءدوت الدىنداعى الاڭدا؛
- بوستاندىق اۋدانىندا 21 ناۋرىز كۇنى ساعات 11.00-13.00 ارالىعىندا «MEGA Centەr» سوو امفيتەاترىندا؛
- جەتىسۋ اۋدانىندا 21 ناۋرىز كۇنى ساعات 11.00-14.00 ارالىعىندا «گۇلدەر» ساياباعىندا؛
- مەدەۋ اۋدانىندا «ۇلىستىڭ ۇلى كۇنى – ناۋرىز» باعدارلاماسى 20 ناۋرىز كۇنى ساعات 11.00-15.00 ارالىعىندا ق ر عىلىم اكادەمياسىنىڭ الدىنداعى الاڭدا؛
- تۇركسىب اۋدانىندا – «كوكتەم شاقىرادى» باعدارلاماسى 22 ناۋرىز كۇنى ساعات 12.00-15.00 ارالىعىندا س. سەيفۋللين اتىنداعى پاركتە؛
- ناۋرىزباي اۋدانىندا 21 ناۋرىزدا ساعات 11.00-15.00 ارالىعىندا اباي داڭعىلىندا (الاتاۋ كوشەسىنەن تاراز كوشەسىنە دەيىن).
مەرەكە كەزىندە بارىنشا قاۋىپسىزدىكتى جانە قوعامدىق ءتارتىپتى ساقتاۋدى قامتاماسىز ەتۋ بويىنشا كۇشەيتىلگەن رەجيم قابىلداناتىن بولادى. قالا كوشەلەرىندە مەرەكەلىك ءىس-شارالار بارىسىندا قۇقىق ءقورعاى ورگاردارى قاجەت بولعان جاعدايدا، ونىڭ ىشىندە تىيىم سالىنعان زاتتاردى الىپ ءجۇرۋدى انىقتاۋ ءۇشىن تەكسەرۋ جۇرگىزەدى.
قالا تۇرعىندارى مەن مەگاپوليس قوناقتارىنان قابىلدانىپ جاتقان شارالارعا تۇسىنىستىكپەن قاراۋدى سۇرايمىز.