الماتى قالاسىنداعى №8 قالالىق كلينيكالىق اۋرۋحاناسىنىڭ ناۋقاس جانجال شىعارىپ، ەكى گينەكولوگ-دارىگەردى سوققىعا جىقتى.
ول ءبىر دارىگەردى بەلدەن تومەن جاعىنان تەۋىپ، ەكىنشىسىنىڭ بەتىندەگى تەرىسىن جىرىپ جىبەرگەن، دەپ حابارلايدى aqshamnews.kz.
وقيعا تۋرالى زارداپ شەككەن دارىگەرلەردىڭ ءبىرى ايشا ۋسمانوۆا جەلىدەگى پاراقشاسىندا جاعدايدى ايتىپ بەردى. ونىڭ سوزىنشە، وقيعا 2024 جىلدىڭ قاراشاسىندا، تۇنگى كەزەكشىلىكتەن كەيىنگى ەسەپتەرمەن اينالىسىپ وتىرعان كەزىندە بولعان. ونىڭ قاسىندا اۋىسىمعا كەلگەن دارىگەر پاسيەنتپەن كەڭەس وتكىزىپ جاتقان ەدى.
ايشا ۋسمانوۆا ناۋقاستىڭ اۋەل باستان ءوزىن اگرەسسيۆتى ءارى ادەپسىز ۇستاعانىن، كەيىننەن كومپيۋتەر مونيتورىن ادەيى قۇلاتقانىن ايتتى.
"بۇل جاعدايعا ارالاسقان جوقپىن، ءبىراق ول اۋرۋحانانىڭ مۇلكىن بۇلدىرە باستاعان سوڭ، كومەك شاقىرىپ، ۆيدەو ءتۇسىرىلىم باستالعانىن ەسكەرتتىم، – دەيدى دارىگەر.
پاسيەنت بۇل ەسكەرتۋدى ەلەمەي، ءوزى دە ۆيدەو تۇسىرەتىنىن ايتىپ، ەكىنشى دارىگەرگە شابۋىل جاساعان. سودان سوڭ كۇتپەگەن جەردەن، تەلەفونىن الا سالىپ، ايشا ۋسمانوۆانىڭ بەتىنە قاتتى سوققى جاساپ، ونىڭ وڭ كوزىنىڭ ۇستىڭگى قاباعىنىڭ تەرىسىن جارىپ جىبەرگەن.
"سول ساتتە مەن قاتتى قان كەتكەنىن تۇسىنبەدىم. تەك ارىپتەسىمنىڭ ماعان قورقىنىشپەن قاراپ تۇرعانىن كوردىم. بەتىمنەن جىلى بىردەڭە اعىپ جاتقانىن سەزىپ، قولىمدى بەتىمە اپارعاندا، قولىمداعى قاندى كوردىم. كەيىن قاننىڭ كيىمىمدە، ەدەندە ەكەنىن بايقادىم"، – دەپ ەسىنە الدى دارىگەر.
دارىگەردىڭ ايتۋىنشا، ناۋقاس مۇنىمەن توقتاماي، ەكىنشى دارىگەردى دە ۇرىپ-سوعىپ، شابىنان تەۋىپ، ەرنىن جارىپ، كەۋدەسىن تىستەپ العان.
"ناۋقاس ءوزىن ەشكىم جازالامايتىنىن ايتىپ، ونىڭ اكەسى وفيسەر ەكەنىن قايتالاي بەردى. سول ۋاقىتتا قاۋىپسىزدىك قىزمەتى كەلىپ، ونى دارىگەردەن اجىراتتى. ال مەنى تاڭۋ بولمەسىنە الىپ كەتتى. تەلەفوننىڭ سوققىسى سونشالىقتى قاتتى بولدى، مەن مي شايقالۋى دياگنوزىمەن قالدىم، – دەپ اتاپ ءوتتى ايشا ۋسمانوۆا.
بۇل وقيعا سوتقا جەتىپ، ناۋقاس ءوزىنىڭ كىناسىن مويىنداماعان. مەديسينالىق قىزمەتكەرلەرگە ءتىل تيگىزۋدى جالعاستىرعان. سوت شەشىمىمەن اگرەسسيۆتى پاسيەنت قوعامدىق جۇمىستارعا تارتىلىپ، مورالدىق شىعىن رەتىندە نەبارى 200 مىڭ تەڭگە تولەۋگە مىندەتتەلگەن.