الماتى قالاسىنىڭ ناۋبايحانالارىندا الەۋمەتتىك نان ءوندىرۋ ءۇشىن ۇن قورىنىڭ جەتكىلىكتى مولشەرى بار. بۇل تۋرالى الماتى قالاسىنىڭ كاسىپكەرلىك جانە ينۆەستيسيالار باسقارماسى ءمالىم ەتتى، دەپ حابارلايدى اlmaty-akshamy.kz.
«نان باعاسىنىڭ وسۋىنە جول بەرمەۋ ءۇشىن «ازىق-تۇلىك كەلىسىم شارت كورپوراسياسى» قورىنان 38 مىڭ توننا سۋبسيديالانعان استىق جەتكىزىلۋدە (قۇنى تونناسىنا 90 مىڭ تەڭگە). بۇگىندە «اقساي نان»، «الماتىدان» جانە «رۋزينان» ناۋبايحانالارىنا استىق جەتكىزىلدى»، - دەپ مالىمدەدى باسقارمادا.
باسقارمانىڭ مالىمەتىنشە، مەگاپوليسكە اي سايىن 4 مىڭ توننادان استام استىق جەتكىزىلىپ وتىر.
«سۋبسيديالانعان استىق ەسەبىنەن قالانىڭ نان-توقاش كومبيناتتارى ءىرى ساۋدا جەلىلەرىندە ناننىڭ باعاسىن ءبىر بولكە ءۇشىن 80 تەڭگە جانە «ءۇي جانىنداعى» دۇكەندەردە ءبىر بولكە ءۇشىن 90 تەڭگە باعاسىن بەكىتتى»، - دەپ ناقتىلادى الماتى قالاسىنىڭ كاسىپكەرلىك جانە ينۆەستيسيالار باسقارماسىندا.