جينالعان نان قالدىقتارى مال ازىعىنا وڭدەلەدى.
الماتىنىڭ اۋەزوۆ اۋدانىندا العاش رەت تاماق قالدىقتارىن جيناپ، كەيىن قايتا وڭدەۋگە ارنالعان كونتەينەرلەر ورناتىلدى، - دەپ حابارلايدى Almaty-akshamy.kz
الماتىدا كاسىپكەرلەردىڭ باستاماسىمەن بۇزىلعان نان، ەسكىرگەن توقاش، مەرزىمى ءوتىپ كەتكەن ماكارون جانە باسقا دا نان ونىمدەرىن جينايتىن سارى بوشكەلەر ورناتىلدى.
«العاشىندا مۇنداي كونتەينەرلەر بىرنەشە ۋچاسكەگە ورناتىلدى، بىزگە قسك جانە قوقىس شىعاراتىن كومپانيالار حابارلاستى. ءبىز كاسىپكەرلەردى شاقىردىق ولار ءمان-جايدى ءتۇسىندىردى، اۋدان اكىمدىگىنىڭ باسشىلىعى ولاردىڭ يدەياسىن قولدادى. بۇل ماسەلە تۇرعىندار ءۇشىن دە وزەكتى بولعان. سەبەبى وسىعان دەيىن كوپتەگەن تازا، ادال تاماق قالدىقتارىن كونتەينەرگە تاستاماي، يت، قۇس جانە مىسىقتاردى تاماقتاندىرۋ ءۇشىن جاقىن جەرگە قالدىرعان. بۇل باسقا تۇرعىندار ءۇشىن وتە ىڭعايسىز ەكەنى بەلگىلى. كونتەينەرلەر ورناتىلعاننان كەيىن اۋلالاردا قاڭعىباس جانۋارلار ازايىپ، قوقىس جاشىكتەرىنىڭ اينالاسى الدەقايدا تازارىپ قالدى»، - دەيدى اۋەزوۆ اۋدانى اكىمدىگىنىڭ اباتتاندىرۋ باسقارماسىنىڭ باسشىسى ايدىن تۇرسىنوۆ.
