تۇنگى ۋاقىتتا اۋا تەمپەراتۋراسى مينۋس 8-10 گرادۋسقا دەيىن تومەندەيدى
الماتىدا اۋا رايىنىڭ كۇر وزگەرۋىنە بايلانىستى قالالىق تۇرعىن ءۇي ساياساتى باسقارماسى ەسكەرتۋ جاسادى، دەپ حابارلايدى Almaty-akshamy.kz.
باسقارما تاراتقان مالىمەتتە قالادا قار ارالاس جاۋىن جاۋىپ، كەشكى جانە تۇنگى ۋاقىتتا اۋا تەمپەراتۋراسىنىڭ مينۋس 8-10 گرادۋسقا دەيىن تومەندەيتىنى ايتىلعان. سونداي-اق تۇمان ءتۇسىپ، اۋانىڭ جوعارى ىلعالدىلىعىنا بايلانىستى مۇز قاتىپ، كوكتايعاق بولۋى ىقتيمال.
«كولىك جۇرگىزۋشىلەرىن جىلدامدىقتى تومەندەتىپ، اۆتوموبيل اراسىنداعى قاشىقتىقتى ۇلعايتۋعا جانە جىلدام مانيەۆر جاساماۋعا شاقىرامىز. جاياۋ جۇرگىنشىلەرگە تروتۋاردا ساق بولىپ، اسا قاجەتتىلىك بولماعان جاعدايدا ۇيدەن شىقپاۋعا كەڭەس بەرەمىز»،-دەلىنگەن حابارلامادا.