قۇتقارۋ قىزمەتىمەن بىرلەسىپ، اۋماقتى تازارتۋ جانە قالپىنا كەلتىرۋ بويىنشا جەدەل شارالار قابىلدانىپ جاتىر.
الماتىدا اۋا تەمپەراتۋراسىنىڭ اۋىتقۋىنا بايلانىستى مۇز كوشىپ، ەسەنتاي وزەنىنىڭ جاعالاۋىنداعى قورشاۋدى بۇزىپ كەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ونىڭ ۆيدەوسى الەۋمەتتىك جەلىدە تارادى.
قالالىق اكىمدىكتىڭ مالىمەتىنشە، ەكولوگيا جانە قورشاعان ورتانى قورعاۋ باسقارماسى اۋدان اكىمدىگىنىڭ قىزمەتكەرلەرىمەن بىرلەسىپ، اتالعان جەرگە شىقتى. ءتيىستى تازالاۋ شارالارى قابىلداناتىن بولادى.
«اۋا تەمپەراتۋراسىنىڭ اۋىتقۋىنا بايلانىستى ەسەنتاي وزەنىنىڭ جاعالاۋىندا مۇز كوشىپ، قورشاۋدى بۇزدى. قالالىق ەكولوگيا جانە قورشاعان ورتانى قورعاۋ باسقارماسى، اۋدان اكىمدىگى قىزمەتكەرلەرى الماتى قالاسىنىڭ توتەنشە جاعدايلار دەپارتامەنتى جانە قۇتقارۋ قىزمەتىمەن بىرلەسىپ، اۋماقتى تازارتۋ جانە قالپىنا كەلتىرۋ بويىنشا جەدەل شارالار قابىلداپ جاتىر»، - دەپ اتاپ ءوتتى اكىمدىك.
الماتى قالالىق توتەنشە جاعدايلار دەپارتامەنتىنىڭ مالىمەتىنە سايكەس، 13 جەلتوقسان كۇنى ەسەنتاي وزەنىنىڭ بويىندا ءال-فارابي داڭعىلىنىڭ جوعارى جاعىندا مۇز كوشكەن.
سالدارىنان جاياۋ جۇرگىنشىلەر كوپىرىنىڭ قورشاۋى ءبۇلىندى.
«قازسەلدەنقورعاۋ» مەملەكەتتىك مەكەمەسى جانە توتەنشە جاعدايلار دەپارتامەنتىنىڭ قىزمەتكەرلەرى وقيعا ورنىندا ساراپتاما جۇرگىزىپ جاتىر.