رەسپۋبليكا سارايىندا مەملەكەتتىك سىيلىقتىڭ يەگەرى، اقىن مۇقاعالي ماقاتايەۆتىڭ 95 جىلدىعىنا ارنالعان «سوعادى جۇرەك» ءان-جىر كەشى ءوتتى، دەپ حابارلايدى AqshamNews.kz ءتىلشىسى.
كونسەرت شىمىلدىعىن ن.تىلەندييەۆ اتىنداعى قازاق مەملەكەتتىك اكادەميالىق فولكلورلىق-ەتنوگرافيالىق «وتىرار سازى» حالىق اسپاپتارى وركەسترى اقىننىڭ «سارىجايلاۋىمەن» اشتى.
مۇقاعالي – قازاقتىڭ قارا ولەڭىن وزگەشە بەلەسكە كوتەرگەن، جىرلارىنىڭ دەنى اۋەزدى انگە اينالعان اقىن. تۋىندىلارىندا وتان، انا، ماحاببات، ءومىر، تاعدىر تاقىرىپتارى، ءبىر سوزبەن ايتقاندا قازاقتىڭ قوڭىر مىنەزى، قاراپايىم بولمىسى، بارلىق قۇندىلىعى كەڭ كورىنىس تابادى. ءتىلى قاراپايىم، ال ماعىناسى تەرەڭ. سوندىقتان بارلىق شىعارماسى انشىلەردىڭ عانا ەمەس، قاراپايىم تۇرعىنداردىڭ دا اۋزىندا جۇرەدى.
ومىرشەڭ اقىننىڭ سوزىنە جازىلعان اندەر بۇگىندە 300-گە جۋىقتاعان. ال م.ماقاتايەۆ اتىنداعى حالىقارالىق قوعامدىق قور ءتوراعاسى باقىتگۇل ايداروۆا ءبىر ماقپال ءجۇنىسوۆانىڭ ءوزى اقىننىڭ سوزىنە جازىلعان 50-گە تاياۋ ءاندى شىرقاپ جۇرگەنىن اتاپ ءوتتى وسى كەشتە.
قازاقتىڭ قارا ولەڭىن كيە تۇتقان اقىن قۇرمەتىنە ارنالعان كەشتە روزا رىمبايەۆا «ناۋرىز-دۋمانىن»، ماقپال ءجۇنىسوۆا «فاريزا»، «داريعا، دومبىرامدى بەرشى ماعان»، ايجان نۇرماعامبەتوۆا «باقىت دەگەن»، قانات پەن ايتكۇل "قۇمعان العان"، «ساعىندىم»، ءمادينا ءسادۋاقاسوۆا «ايتاتىن ساعان سىرىم بۇل» اندەرىن ورىندادى. مەدەۋ ارىنبايەۆ، نۇرلان البان، رامازان ستامعازييەۆ، ۇلتۋ قابايەۆا، ءمولدىر اۋەلبەكوۆا، ءومىرقۇل اينيازوۆ، ارداق بالاجانوۆا، بەيبىت قورعان سىندى جۇلدىزدارىمىز دا كيەلى ساحنانى ءان-جىرعا بولەدى. جىر كەشىن دارىندى ستۋدەنت-جاستاردان قۇرىلعان «ساردار» ادەبي-درامالىق تەاترىنىڭ ءتۇرلى تاقىرىپتا ۇسىنعان ەرەكشە كومپوزيسيالارى دا ارلەي ءتۇستى.
كەش سوڭىندا ونەرپازدارعا الماتى قالاسى اكىمدىگى اتىنان ىقىلاس گ ۇلى تابىستالدى. ال اقىننىڭ ۇلى جۇلدىز ماقاعالي ۇلى انسۇيەر الەۋمەتكە العىسىن ءبىلدىردى.