جارىسقا 50-گە تارتا ارناۋلى مەكتەپ-ينتەرنات وقۋشىلارى قاتىستى
الماتىدا مۇمكىندىگى شەكتەۋلى تۇرعىنداردى بۇقارالىق سپورتقا تارتۋ ماقساتىندا شاحماتتان قالالىق بىرىنشىلىك ءوتتى، دەپ حابارلايدى Almaty-akshamy.kz.
الماتى قالالىق سپورت باسقارماسىنان حابارلاعانداي، جارىسقا 50-گە تارتا ارناۋلى مەكتەپ-ينتەرنات وقۋشىلارى، ستۋدەنت جاستار مەن قالا تۇرعىندارى جاس ەرەكشەلىكتەرى بويىنشا سايىسقا ءتۇسىپ، كىم مىقتى ەكەنىن انىقتادى.
«اسىرەسە، 2019 جىلعى يتاليادا سۋردليمپيادالىق ويىنداردا كوماندالىق ەسەپتە چەمپيون اتانعان، ق ر ەڭبەك سىڭىرگەن سپورت شەبەرلەرى امانگەلدى ناۋرىزعالييەۆ، ساماجان كەتتەبەكوۆ، دميتريي موچالسكييلەر قاتىسىپ، جارىس كورىگىن قىزدىردى. ودان باسقا ق ر حالىقارالىق دارەجەدەگى 4 سپورت شەبەرى، 2 سپورت شەبەرى مەن 3 سپورت شەبەرلىگىنە ۇمىتكەر شاحماتشىلار قاتىسىپ، ءوز شەبەرلىكتەرىن كورسەتتى»، - دەپ حابارلادى سپورت باسقارماسىندا.
جارىس جەڭىمپازدارى مەن جۇلدەگەرلەرى دەنە مۇمكىندىگى شەكتەۋلى ادامدارعا ارنالعان «الماتى» سپورت كلۋبىنىڭ مەدالدارىمەن، ديپلومدارىمەن جانە باعالى سىيلىقتارىمەن ماراپاتتالدى.