ايتا كەتسەك، اعىمداعى جىلدىڭ 1 قازانىندا 2021 جىلعا ارنالعان جەكە مۇلىك سالىعىن تولەۋ مەرزىمى اياقتالادى.
وڭىرلىك كوممۋنيكاسيالار قىزمەتىنىڭ الاڭىندا الماتى قالاسى بويىنشا مەملەكەتتىك كىرىستەر دەپارتامەنتىنىڭ وندىرىستىك ەمەس تولەمدەر باسقارماسىنىڭ باسشىسى قۋانىش تۇمەنبايەۆتىڭ قاتىسۋىمەن بريفينگ ءوتىپ، مۇلىك سالىعىنا قاتىستى سۇراقتارعا جاۋاپ بەردى، دەپ حابارلايدى Almaty-akshamy.kz
مەنشىگىندە تۇرعىن ۇيلەرى، پاتەرلەرى، ساياجايلارى، گاراجدارى جانە باسقا دا عيماراتتارى بار تۇلعالار جەكە تۇلعالاردىڭ مۇلكىنە سالىق تولەۋشىلەر بولىپ تابىلادى.
«ءاربىر سالىق سالۋ وبەكتىسىنىڭ قۇنى تۇرعىن ءۇيدىڭ پايدالى الاڭىن، ايماقتارعا ءبولۋ كوەففيسيەنتىن، امورتيزاسيانى جانە ت.ب. ەسكەرە وتىرىپ انىقتالادى. وسى مالىمەتتەر نەگىزىندە سالىق ورگاندارى سالىق ستاۆكاسىن سالىق سالۋدىڭ قۇنىنا قولدانۋ ارقىلى وبەكتى، جىل سايىن 1 شىلدەگە دەيىن مۇلىك سالىعىنىڭ سوماسىن ەسەپتەيدى. سالىق كودەكسىندە سالىقتىڭ پروگرەسسيۆتى ستاۆكاسى قاراستىرىلعان، نىساننىڭ قۇنى نەعۇرلىم جوعارى بولسا، سالىق مولشەرى دە سوعۇرلىم كوپ بولادى»، - دەپ ءتۇسىندىردى ق.تۇمەنبايەۆ.
سالىقتىڭ ەسەپتەلگەن سوماسى نەگىزىندە جەكە تۇلعالارعا تاپسىرىس حاتپەن حابارلامامەن بىرگە جىبەرۋ ارقىلى، سالىق تولەۋشىنىڭ جەكە كابينەتىنە ەلەكتروندى تۇردە، سونداي-اق ءموبيلدى قوسىمشا ارقىلى ەلەكتروندى تۇردە جەتكىزىلەتىن حابارلامالار قالىپتاستىرىلادى. ازاماتتارعا ىڭعايلى بولۋ ءۇشىن ولار Alseco كوممۋنالدىق تولەمدەرى ارقىلى، سونداي-اق ەكىنشى دەڭگەيلى بانكتەردىڭ ەلەكتروندى وتىنىشتەرى ارقىلى حاباردار ەتىلەدى. جەكە تۇلعالار 1 قازاننان كەشىكتىرمەي حابارلامادا كورسەتىلگەن سالىق سوماسىن تولەۋگە مىندەتتى.
مىسالى: ەگەر پاتەر قۇنى 10 ملن تەڭگەنى قۇراسا، وندا سالىق سوماسى 11 600 تەڭگەنى قۇرايدى. قۇنى 50 ملن تەڭگە بولاتىن پاتەر بويىنشا سالىق 196 600 تەڭگەنى قۇرايدى.
«ەگەر سالىق كەزەڭى ىشىندە سالىق سالۋ وبەكتىسى مەنشىك قۇقىعىندا ون ەكى ايدان از بولسا، مۇنداي وبەكتىلەر بويىنشا تولەنۋگە جاتاتىن مۇلىككە سالىناتىن سالىق سالىق سوماسىن ون ەكىگە ءبولۋ جانە سالىق سالۋ وبەكتىسىنىڭ مەنشىك قۇقىعىندا بولۋىنىڭ ناقتى كەزەڭى ايلارىنىڭ سانىنا كوبەيتۋ جولىمەن ەسەپتەلەتىنىن اتاپ ءوتۋ قاجەت»، - دەپ جالعاستىردى مكد سپيكەرى.
بىرنەشە جەكە تۇلعالاردىڭ ورتاق ۇلەستىك مەنشىگىندەگى سالىق سالۋ وبەكتىسى ءۇشىن سالىق ولاردىڭ وسى مۇلىكتەگى ۇلەسىنە پروپورسيونالدى تۇردە ەسەپتەلەدى.
سالىق سالۋ وبەكتىسى جويىلعان، قيراتىلعان، سۇرىلگەن جاعدايدا ۋاكىلەتتى مەملەكەتتىك ورگان بەرگەن جويىلۋ، قيراۋ، بۇزۋ فاكتىسىن راستايتىن قۇجاتتار بولعان كەزدە سالىق سوماسى قايتا ەسەپتەلەدى.
مكد وكىلى جەكە تۇلعالاردىڭ قايسىسى مۇلىك سالىعىن تولەۋدەن بوساتىلاتىنىن اتاپ ءوتتى. ولاردىڭ ىشىندە: كەڭەس وداعىنىڭ باتىرلارى، سوسياليستىك ەڭبەك ەرلەرى، «حالىق قاھارمانى»، «قازاقستاننىڭ ەڭبەك ەرى» اتاقتارىنا يە بولعان، ءۇش دارەجەلى داڭق وردەنىمەن جانە «وتان» وردەنىمەن ماراپاتتالعان ادامدار، ۇلى وتان سوعىسىنىڭ ارداگەرلەرى، ولارعا تەڭەستىرىلگەن ارداگەرلەر، جەتىم بالالار جانە اتا-اناسىنىڭ قامقورلىعىنسىز قالعان بالالار 18 جاسقا تولعانعا دەيىن؛ «باتىر انا» اتاعىنا يە بولعان، «التىن القا» القاسىمەن ناگرادتالعان كوپ بالالى انالار جانە باسقالار.
جەكە تۇلعالاردىڭ مۇلىك سالىعىن تولەۋشىلەر بولىپ تابىلمايتىن تۇلعالاردىڭ تولىق تىزبەسى سالىق كودەكسىنىڭ 526-بابىندا كوزدەلگەن.
بۇل رەتتە جىل سايىن سالىق ورگاندارىندا جەڭىلدىكتى راستاۋدىڭ قاجەتى جوق. سالىق ورگاندارى جىل سايىن ق ر قم مكك-دەن جەڭىلدىك بەرىلگەن ادامدار بويىنشا مالىمەتتەر الادى.
«بۇگىندە الماتى قالاسى بويىنشا جەكە تۇلعالاردىڭ مۇلكىنە سالىق سالىناتىن جەكە ۇيلەردىڭ، پاتەرلەردىڭ، ساياجايلار مەن گاراجداردىڭ سانى 616 365 قۇرايدى، باعالاۋ قۇنى 3063 ملرد تەڭگە. وتكەن جىلمەن سالىستىرعاندا سالىق سالۋ وبەكتىلەرىنىڭ سانى 32 171-گە ارتىپ، باعالاۋ قۇنى 258 ملرد تەڭگەنى قۇرادى. ايتا كەتۋ كەرەك، جاڭا سالىق سالۋ نىساندارىنىڭ جارتىسى – 15 973 ناۋرىزباي اۋدانىنا تيەسىلى»، - دەدى ق.تۇمەنبايەۆ.
بيىلعى جىلى ەسەپتەۋلەر مەنشىك قۇقىعىندا 3،9 ملرد تەڭگە سوماعا 616 365 سالىق سالۋ وبەكتىسى بار 505 مىڭ تۇلعا بويىنشا جۇرگىزىلدى، وتكەن جىلمەن سالىستىرعاندا ەسەپتەلگەن سالىق سوماسى 300 ملن تەڭگەگە ارتىق (2021 جىلى ەسەپتەۋلەر 3،6 ملرد تەڭگە سوماعا 584 194 وبەكت بويىنشا جۇرگىزىلدى).
23.09.2022 ج. جاعداي بويىنشا 505 مىڭ تۇلعانىڭ ىشىندە 2021 جىلى مۇلىك سالىعىن تولەۋ بويىنشا مىندەتتەمەلەردى 440 مىڭ ادام جالپى سوماسى 2،9 ملرد تەڭگەگە ورىندادى. بۇل رەتتە 945 ملن تەڭگە سالىق سوماسى بار 65 مىڭنان استام تۇلعا جەكە تۇلعالاردىڭ مۇلىك سالىعىن تولەۋ بويىنشا مىندەتتەمەلەرىن ءالى ورىنداماعان.