الماتى قالاسى بويىنشا ەڭبەك، الەۋمەتتىك قورعاۋ جانە كوشى-قون دەپارتامەنتىنىڭ باسشىسى مۇرات مۇراتبەكوۆ وڭىرلىك كوممۋنيكاسيالار قىزمەتىنىڭ بريفينگىندە جاردەماقىنىڭ جاڭا ءتۇرىن ەنگىزۋ تۋرالى ايتتى دەپ حابارلايدى almaty-akshamy.kz
ول «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ازاماتتاردىڭ جەكەلەگەن ساناتتارىن الەۋمەتتىك قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ق ر زاڭىنا سايكەس ەرەكشە قاجەتتىلىكتەرى بار بالانى كۇتۋ كەزەڭىن 18 جاسقا دەيىن ۇزارتۋ تۋرالى شەشىم قابىلدانعانىن حابارلادى. مۇراتبايەۆتىڭ پىكىرىنشە، بۇل جاسىنا بايلانىستى زەينەتاقى مەن بازالىق زەينەتاقى تاعايىنداۋعا وڭ اسەر ەتەدى.
زاڭدا مۇگەدەكتىگى جانە اسىراۋشىسىنان ايىرىلۋ جاعدايى بويىنشا جاردەماقىلاردى ءبىر مەزگىلدە الۋ قۇقىعىن بەرۋ كوزدەلەدى. بۇل اسىراۋشىسىنان ايىرىلعان جانە قۇرامىندا مۇگەدەك بالالارى بار وتباسىلاردىڭ تابىس دەڭگەيىن ارتتىرۋعا ىقپال ەتەدى.
- بۇرىن مۇگەدەكتىگى بار بالالار اتا-انالارى اجىراسقان كەزدە ءبىر مەزگىلدە اليمەنت جانە مۇگەدەكتىگى بويىنشا جاردەماقى الا الاتىن. الايدا، ءبىر نەمەسە ەكى اتا-انا قايتىس بولعان جاعدايدا، بالا مۇگەدەكتىگى بويىنشا جاردەماقى عانا نەمەسە اسىراۋشىسىنان ايىرىلۋ بويىنشا جاردەماقىنى الاتىن. ەكى جاردەماقىنى ءبىر مەزگىلدە الۋ بويىنشا زاڭدى قۇقىق بولعان جوق. وسى نورمانىڭ ەنگىزىلۋىنە بايلانىستى الماتىدا ەرەكشە قاجەتتىلىكتەرى بار 290 بالا اسىراۋشىسىنان ايىرىلۋ بويىنشا قوسىمشا 12 063 تەڭگەدەن 29 500 تەڭگەگە دەيىن جاردەماقى الۋ قۇقىعىنا يە بولدى، - دەپ حابارلادى مۇرات مۇراتبايەۆ.
سونداي-اق مەملەكەت مۇگەدەك بالالاردى تاربيەلەپ وتىرعان وتباسىلاردىڭ بالا كامەلەتكە تولعاننان كەيىن تۇرعىن ۇيگە كەزەكتە تۇرۋ قۇقىعىن ساقتاۋ تۋرالى قامقورلىق جاسادى. سپيكەر اتاپ وتكەندەي، ءىس جۇزىندە وتباسىلار 10 جىلعا دەيىن تۇرعىن ءۇي كەزەگىندە تۇر. بۇرىن كامەلەتكە تولعان بالالار كەزەككە قايتا تۇرۋعا ءماجبۇر بولدى. بۇل نورما ەلدەگى 20 مىڭنان استام وتباسىنا باسپانا كەزەگىن ساقتاۋعا مۇمكىندىك بەرەدى دەپ بولجانۋدا.