كۇدىكتىنى اۋەزوۆ اۋدانىنىڭ پوليسيا قىزمەتكەرلەرى انىقتادى.
الماتىدا قىمبات موپەدتەردى ۇرلاۋمەن اينالىسقان شەتەلدىك ازامات ۇستالدى، دەپ حابارلايدى Almaty-akshamy.kz
Polisia.kzء-تىڭ اقپاراتىنا ساي، 24 جاستاعى جىگىتتىڭ بوتەننىڭ مۇلكىن ۇرلاۋدىڭ كەم دەگەندە ءتورت دەرەگىنە قاتىسى بار.
«قىلمىستىق ءىس ماتەريالدارىنا سايكەس، وزبەكستان ازاماتى – 1999 جىلى تۋعان ن.ەسىمدى ازامات اقساي-1 ىقشاماۋدانىنداعى ءۇيدىڭ اۋلاسىنان بۋمەر موپەدىن ۇرلاپ كەتكەن. جابىرلەنۋشى ماتەريالدىق شىعىندى 520 مىڭ تەڭگەگە باعالادى. كۇدىكتى ۇستالدى. ونىڭ وسىعان ۇقساس تاعى ءۇش قىلمىس جاساعانى انىقتالدى. قىلمىستىق ءىس ق ر قك-نىڭ 188-بابى 3-بولىگىمەن تىركەلىپ، تەرگەلۋدە. سوتقا دەيىنگى تەرگەۋ جالعاسىپ جاتىر» – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.
ق ر قپك-نىڭ 201-بابىنا سايكەس، وزگە اقپاراتتار تەرگەۋ مۇددەسىنە وراي جاريالاۋعا جاتپايدى.