مامىر مەرەكەلەرى قارساڭىندا الماتى قالاسىنىڭ كوشى-قون قىزمەتى “ازاماتتارعا ارنالعان ۇكىمەت” مەملەكەتتىك مەكەمەسى جانە جەتىسۋ اۋدانى اكىمدىگىمەن بىرلەسىپ، 16 جاستاعى قالا تۇرعىندارىنا العاشقى جەكە كۋالىكتەردى سالتاناتتى تۇردە تابىستاۋ ءراسىمىن ۇيىمداستىردى، دەپ حابارلايدى aqshamnews.kz Polisia.kz-كە سىلتەمە جاساپ.
شارا حالىققا قىزمەت كورسەتۋ ورتالىعىندا جىلى، مەرەكەلىك جاعدايدا ءوتتى. جاس الماتىلىقتاردى مەملەكەتتىك ورگانداردىڭ وكىلدەرى قۇتتىقتاپ، ازاماتتاردى ۋاقىتىلى قۇجاتتاندىرۋدىڭ ماڭىزدىلىعىن اتاپ ءوتتى.
— 16 جاستا جەكە كۋالىك الۋ - ازاماتتىق جاۋاپكەرشىلىك جولىنداعى ماڭىزدى قادام. قۇجات ءبىلىم الۋعا، مەديسينالىق جانە الەۋمەتتىك قىزمەتتەرگە قول جەتكىزۋگە، جۇمىسقا ورنالاسۋعا جانە قوعام ومىرىنە قاتىسۋعا مۇمكىندىك بەرەدى. اتا-انالار مەن زاڭدى وكىلدەردى قۇجاتتارىن راسىمدەۋدى كەشىكتىرمەۋگە شاقىرامىز. جاسوسپىرىمدەردىڭ ۋاقىتىندا قۇجاتتانباۋى ءبىرقاتار قيىندىقتار مەن شەكتەۋلەرگە اكەلۋى مۇمكىن، - دەدى الماتى قالالىق پد كوشى-قون قىزمەتى باسقارماسى ءبولىمىنىڭ باستىعى جاننا جاقىپبايەۆا.
شارانى ۇيىمداستىرۋشىلار مۇنداي شارالار جاستاردىڭ قۇقىقتىق ساۋاتتىلىعىن ارتتىرىپ، وسكەلەڭ ۇرپاقتىڭ بويىندا پاتريوتتىق رۋحتى نىعايتۋعا سەپتىگىن تيگىزەتىنىنە سەنىم ءبىلدىردى.