2023 جىلدىڭ 2-3 اقپانىندا الماتىدا V حالىقارالىق «Digital Almaty 2023: جاڭا بولمىستاعى سيفرلىق ارىپتەستىك» سيفرلىق فورۋمى وتەدى، دەپ حابارلايدى Almaty-akshamy.kz ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ باسپا ءسوز قىزمەتىنە سىلتەمە جاساپ.
فورۋمنىڭ باستى تاقىرىبى يننوۆاسيالىق تەحنولوگيالار يندۋسترياسىن دامىتۋدىڭ زاماناۋي جاھاندىق سىن-قاتەرلەرى بولماق. فورۋمنىڭ ىسكەرلىك باعدارلاماسى 20 پانەلدىك سەسسيادان تۇرادى، وندا 150-دەن استام سپيكەرلەر – حالىقارالىق جانە قازاقستاندىق IT-قوعامداستىق وكىلدەرى ءسوز سويلەيدى. Digital Almaty فورۋمىنا الەمنىڭ 30 ەلىنەن 15 مىڭنان استام ادام قاتىسادى دەپ كۇتىلۋدە. پانەلدىك سەسسيالاردا فورۋمعا قاتىسۋشىلار ونەركاسىپ سالالارىنىڭ اۆتوماتتاندىرۋدان سيفرلاندىرۋعا ۇدەمەلى كوشۋىن، سيفرلىق ماينينگ پەرسپەكتيۆالارىن، روبوتتاندىرۋدى قولدانۋ سالالارىن، ەۋرازيالىق وڭىردە IT-سالانى دامىتۋدى تالقىلايدى.
Digital Almaty پلەنارلىق وتىرىسىنا ەۋرازيالىق ەكونوميكالىق وداققا (ەاەو) قاتىسۋشى ەلدەردىڭ ۇكىمەت باسشىلارى قاتىسادى. ەاەو ەلدەرى پرەمەر-مينيسترلەرىنىڭ قاتىسۋىمەن پلەنارلىق سەسسيادا تالقىلاۋدىڭ نەگىزگى تاقىرىبى تۇراقتى سيفرلىق ينفراقۇرىلىمدى جانە تەلەكوممۋنيكاسيالارداعى جاڭا تەحنولوگيالاردى دامىتۋ بولادى. سپيكەرلەر GovTech جانە FinTech دامۋ پەرسپەكتيۆالارى تۋرالى اڭگىمەلەيدى، سونداي-اق وڭىردە IT بيزنەستى ودان ءارى دامىتۋ تۋرالى كوزقاراسىمەن بولىسەدى.
فورۋمدا ەل تەحنوپاركتەرىنىڭ، حالىقارالىق ۆەندورلاردىڭ جانە ۆەنچۋرلىك قورلاردىڭ كورمەلەرى ۇيىمداستىرىلادى. كورمە ايماقتارى يندۋستريا 4.0. جانە Innovation Center يندۋستريالىق ونەركاسىپتەگى يننوۆاسيالار مەن ۇزدىك IT ازىرلەمەلەردى كورسەتەدى.
سونىمەن قاتار، FinTech، Smart City، EDtech، GameDev، IoT، 5G، SaaS، Blockcain، Big Data، MedTech، Logistic&Travel جانە ت. ب. سالاسىنداعى جوبالار كورمەسىن قوسا العاندا، 100 جاڭا جوبا ۇسىنىلاتىن ستارتاپتار اللەياسى دا IT-سالانىڭ جەتەكشى وكىلدەرىنىڭ قاتىسۋىمەن تەحنولوگيالىق مارافون، ۆوركشوپ ۇيىمداستىرىلادى، جوعارى وقۋ ورىندارى مەن بوس ورىندار جارمەڭكەلەرى. ءداستۇر بويىنشا فورۋم الاڭىندا ASTANA HUB BATTLE تەحنولوگيالىق مارافونى - ۇزدىك IT-ستارتاپ ءۇشىن شايقاس وتەدى. شايقاستىڭ جۇلدە قورى $18 000 قۇرايدى.
فورۋمعا almatydigital.kz. سايتىندا تىركەلۋ ارقىلى قاتىسۋعا بولادى.
Digital Almaty - بۇل سيفرلىق كۇن ءتارتىبىن، سيفرلىق ترانسفورماسيانىڭ جاڭا ستراتەگيالارىن جانە سيفرلىق تەحنولوگيالار سالاسىنداعى ترەندتەردى تالقىلاۋعا ارنالعان ءداستۇرلى ديالوگ الاڭى. فورۋم 2018 جىلدان باستاپ بەسىنشى رەت وتكىزىلىپ كەلەدى. ءىس-شارانى ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى، ق ر سىرتقى ىستەر مينيسترلىگى، الماتى قالاسىنىڭ اكىمدىگى، Tech Garden جانە Astana Hub ۇيىمداستىرادى.
ب ا ق ءۇشىن بايلانىستار:
ءسدياوم باسپا ءسوز حاتشىسى: ەرحان تاتكەن +7702 817 7617
فورۋمنىڭ PR-مامانى، Tech Garden: البينا رامازان +7777 3139190
ASTANA HUB باسپا ءسوز قىزمەتى: اسەل مۋحامبەتوۆا +7747 432 2056
