الماتىدا ق ر مەملەكەتتىك رامىزدەر كۇنىنە وراي ءتۇرلى ءىس-شارالار، ونىڭ ىشىندە مەملەكەتتىك تۋدى سالتاناتتى تۇردە كوتەرۋ جانە جاپپاي ءانۇراندى ورىنداۋ، ۆەلوجارىس، تاقىرىپتىق كورمەلەر، دوڭگەلەك ۇستەلدەر جانە ت. ب. جوسپارلانعان.
ساعات 11:00-دە «مەدەۋ» بيىك تاۋلى سپورت كەشەنىنىڭ الاڭىندا قالا باسشىلىعىنىڭ، جاستار جۇرتشىلىعى وكىلدەرىنىڭ قاتىسۋىمەن مەملەكەتتىك تۋدى سالتاناتتى تۇردە كوتەرۋ جانە ءانۇراندى جاپپاي ورىنداۋ جوسپارلانۋدا، دەپ حابارلايدى Almaty-akshamy.kz.
ساعات 11:00-دە قالانىڭ بارلىق اۋداندارىندا ءانۇران بىرمەزەتتە ورىندالادى.
ساعات 12:00-دە شيەۆچەنكو كوشەسى بويىمەن م.گاندي اتىنداعى ساياباقتان قونايەۆ كوشەسىنە دەيىن ۆەلوجارىس وتەدى، وعان اركىم قاتىسا الادى. جارىستى باستاماستان بۇرىن بارلىق قاتىسۋشىلارعا جالاۋشالار تاراتىلادى، مارەگە جەتكەن كەزدە ق ر ءانۇرانىن جاپپاي ورىنداۋ ۇيىمداستىرىلادى.
ساعات 19: 30-دا اباي الاڭىندا وتاندىق ەسترادا جۇلدىزدارى جۇبانىش جەكسەن ۇلى، ديلناز احمادييەۆا، نۇرجان كەرمەنبايەۆ، گازيزحان شەكەربەكوۆ، مارحابا ءسابي، اراي Tribute، «Made in KZ» توبى، سىرىمتاي ەڭسەپوۆ جانە قازبەك قۇرايىش قاتىساتىن مەرەكەلىك كونسەرت وتەدى.
كونسەرتتەن كەيىن قۇرمانعازى اتىنداعى قازاق ۇلتتىق كونسەرۆاتورياسىنىڭ ستۋدەنتتەرى مەن جامبىل اتىنداعى مەملەكەتتىك فيلارمونيا حورىنىڭ جاستار قۇرامى ق ر مەملەكەتتىك ءانۇرانىن ورىندايدى.