الماتىدا 40 جاستاعى ازامات پاتەرلەردى مەملەكەتتىك باعدارلاما بويىنشا ساتقان.
الماتى قالاسىندا 40 جاستاعى ەر ادام ءبىرقاتار الاياقتىق جاسادى دەگەن كۇدىككە ءىلىندى، دەپ حابارلايدى Almaty-akshamy.kz Polisia.kz-كە سىلتەمە جاساپ.
اۋەزوۆ اۋداندىق پوليسيا باسقارماسىنىڭ مالىمەتىنشە، رەسمي تۇردە ارىزبەن 10 ادام جۇگىنگەن.
– جابىرلەنۋشىلەردىڭ ايتۋىنشا، ەر ادام مەملەكەتتىك باعدارلاما بويىنشا وتە ءتيىمدى شارتتارمەن، مىندەتتى الدىن الا تولەممەن پاتەر الۋدى ۇسىنعان. وعان اقشا اۋدارىلعاننان كەيىن ەر ادام بايلانىسقا شىعۋىن توقتاتقان. جەدەل شارالار جۇرگىزىلىپ، كۇدىكتى ۇستالدى. قازىرگى ۋاقىتتا قالانىڭ باسقا اۋداندارىندا دا وسىنداي الاياقتىق دەرەكتەرىن انىقتاۋ بويىنشا جۇمىستار مەن تەرگەۋ شارالارى جۇرگىزىلىپ جاتىر، — دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي، كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.