وكق بريفينگىنە قاتىسقان قۇقىقتىق ءتۇسىندىرۋ جۇمىستارى جانە حالىققا زاڭگەرلىك قىزمەت كورسەتۋ ءبولىمىنىڭ باس مامانى ادىلەت قادىروۆ قازاقستان رەسپۋبليكاسىنىڭ كونستيتۋسياسى مەن زاڭنامالىق اكتىلەرىندە ءاربىر ادامنىڭ ازاماتتىق، اكىمشىلىك جانە قىلمىستىق پروسەستە بەلگىلەنگەن نورمالارعا سايكەس بىلىكتى زاڭ كومەگىن الۋعا قۇقىعى قاراستىرىلعانىن ايتتى، دەپ حابارلايدى اlmaty-akshamy.kz.
مەملەكەت كەپىلدىك بەرگەن زان كومەگىن كورسەتۋ جۇيەسىنە قاتىساتىن ادۆوكاتتاردىڭ ءتىزىمى جىل سايىن مەملەكەتتىك جانە ورىس تىلدەرىندە مەرزىمدى باسپا باسىلىمدارىندا، سونداي-اق ينتەرنەت رەسۋرستارىندا جاريالانادى.
«بيىل الماتى قالاسىنا حالىققا كەپىلدەندىرىلگەن مەملەكەتتىك زاڭ كومەگىن كورسەتۋ ءۇشىن 250 ملن تەڭگەدەن استام قارجى ءبولىندى. ىستەردىڭ اۋىرلىق دارەجەسىنە قاراي ادۆوكات ءوز قىزمەتى ءۇشىن اقى الادى. ءىس اسا اۋىر ەمەس، اكىمشىلىك جانە ازاماتتىق سيپاتتا بولسا، ول جۇمىسىنىڭ ءبىر ساعاتى ءۇشىن 0،56 اەك الادى؛ ەگەر اۋىر قىلمىس بولسا، 0،76 اەك؛ اسا اۋىر قىلمىس بولسا، 1،15 اەك الادى»، - دەدى سپيكەر.