2024 جىلدىڭ 5 قاراشاسىندا الماتى قالاسى ءبىلىم باسقارماسىنا قاراستى كمقك «№84 بوبەكجاي-بالاباقشا» بازاسىندا «مەكتەپكە دەيىنگى تاربيە مەن وقىتۋ ۇيىمدارىنداعى جوبالىق قىزمەت» تاقىرىبىندا رەسپۋبليكالىق عىلىمي-ادىستەمەلىك كونفەرەنسيا ءوتتى. بۇل ءىس-شارا الماتى قالاسى اكىمدىگى مەن ءبىلىم باسقارماسىنىڭ قولداۋىمەن ۇيىمداستىرىلدى، دەپ حابارلايدى aqshamnews.kz
2023 جىلدىڭ شىلدە ايىندا جايسانبايەۆا اكەركە ساگنىشوۆنا، الماتى قالاسىنداعى بالاباقشا مەڭگەرۋشىسى، سينگاپۋر ەلىندە تاعىلىمدامادان ءوتىپ، وسى ەلدىڭ بالاباقشالارىندا قولدانىلاتىن ەكولوگيالىق ادىستەر مەن قۇرال-جابدىقتاردى ءوز ىسىندە پايدالانۋ تاجىريبەسىن مەڭگەرىپ قايتتى. سينگاپۋرلىق تاجىريبەدە قالدىق ماتەريالداردان كومەكشى قۇرالدار مەن اسەم بەزەندىرۋلەر جاساۋ كەڭىنەن قولدانىلاتىنى بەلگىلى. بۇل تاجىريبەنى ءوز جۇمىسىندا قولدانۋ ءۇشىن اكەركە ساگنىشوۆنا «تابيعات جانە ءبىز» اتتى جوبانى ازىرلەپ، بالاباقشادا قالدىق زاتتارعا ەكىنشى ءومىر سىيلاۋ تاقىرىبىن قولعا الدى.
سونىمەن قاتار، جوبانىڭ اياسىندا بالاباقشا قابىرعالارى قازاقشا سويلەپ، بالالاردىڭ شىعارماشىلىق قابىلەتتەرىن دامىتۋ ءۇشىن ارنايى ويىن ورتالىقتارى ۇيىمداستىرىلدى. بۇل جوبا مەكتەپكە دەيىنگى ءبىلىم بەرۋ سالاسىندا ەكولوگيالىق تاربيە بەرۋ بويىنشا وزىق تاجىريبەلەردى كورسەتۋ ماقساتىندا جۇزەگە اسىرىلدى.
كونفەرەنسيانىڭ باستى ماقساتى — مەكتەپكە دەيىنگى ءبىلىم بەرۋ سالاسىنداعى ەكولوگيالىق تاربيە بويىنشا جوبالىق قىزمەتتىڭ وزىق تاجىريبەلەرىن كورسەتۋ، تاجىريبە الماسۋ جانە پەداگوگيكالىق قاۋىمداستىقتا ەكولوگيالىق تاربيە ماسەلەلەرىن تالقىلاۋ بولدى. كونفەرەنسيا بارىسىندا قاتىسۋشىلارعا يننوۆاسيالىق ادىستەر مەن تەحنولوگيالار ۇسىنىلىپ، تەوريالىق جانە پراكتيكالىق تۇرعىدا ءبىلىم مەن داعدىلار بەرىلدى.
كونفەرەنسيانىڭ باعدارلاماسى مىناداي شارالاردان تۇردى:
- قالدىق زاتتارعا ەكىنشى ءومىر سىيلاۋ تاقىرىبىندا جوبا پرەزەنتاسياسى؛
- تاربيەلەنۋشىلەرمەن ۇيىمداستىرىلعان ىس-ارەكەت؛
- شەبەرلىك سىنىپتارى؛
- بالاباقشا ىشىندە «قابىرعالار سويلەيدى» ورتالىقتارىنا ەكسكۋرسيا؛
- جوبالىق قىزمەتتى ۇيىمداستىرۋ بويىنشا پىكىر الماسۋ؛
- پەداگوگتاردىڭ ءوزارا تاجىريبە الماسۋى.
كونفەرەنسياعا بالالاردى ەرتە دامىتۋ ينستيتۋتىنىڭ وكىلدەرى، قىزىلوردا وبلىسىنىڭ قارماقشى اۋدانى ءبىلىم ءبولىمىنىڭ باس مامانى حاتيرا ارۋبايەۆنا الماگانبەتوۆا، سونداي-اق استانا، ۇلىتاۋ وبلىسى، تۇركىستان وبلىسى مەكتەپكە دەيىنگى ۇيىمدارىنىڭ باسشىلارى قاتىستى. ءىس-شاراعا مەكتەپكە دەيىنگى ۇيىمداردىڭ تاربيەشىلەرى، ادىسكەرلەر جانە سالا ماماندارى دا شاقىرىلدى.
كونفەرەنسيا بارىسىندا قاتىسۋشىلار قالدىق زاتتاردى كومەكشى قۇرال رەتىندە قولدانۋدىڭ زاماناۋي تاسىلدەرى مەن جوبالىق قىزمەت سالاسىنداعى جاڭا مۇمكىندىكتەردى تالقىلادى، بۇل شارا قاتىسۋشىلار ءۇشىن ماڭىزدى ءارى مازمۇندى بولدى.