الماتى قالاسى مەدەۋ اۋدانىنىڭ تۇرعىنى ماريحۋانا ءوسىرىپ، ونى ساتۋمەن اينالىسقان دەپ حابارلايدى Almaty-akshamy.kz Polisia.kz-كە سىلتەمە جاساپ.
«قاراسورا – 2023» رەسپۋبليكالىق جەدەل-الدىن الۋ ءىس-شاراسى بارىسىندا ءبىزدىڭ بولىمشەنىڭ قىزمەتكەرلەرى ەسىرتكى ساتقانى ءۇشىن 48 جاستاعى ش.ەسىمدى ازاماتتى ۇستادى. ونىڭ ۇيىنەن قۇرامىندا ەرەكشە ءيىسى بار وسىمدىك تەكتەس زات سالىنعان 100 ليترلىك پلاستيكالىق بوشكە تاركىلەندى. ۇستالعان ادامنىڭ ايتۋىنشا، بۇل – ماريحۋانا، ول ونى ءوز باقشاسىندا وسىرگەن، ودان ەسىرتكى زاتى بار وسىمدىكتىڭ 87 ءتۇبى انىقتالدى. ايتپاقشى، بۇل دەرەك اۋە بارلاۋىنىڭ ناتيجەسىندە درونمەن انىقتالدى»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
سونداي-اق ءۇيدى ءتىنتۋ كەزىندە جەدەل ۋاكىلدەر يج ماركالى تەگىس ۇڭعىلى اڭشى مىلتىعى مەن 5 ميلليون تەڭگەنى تاپتى.
«سونىمەن قاتار قۇلجا تاس جولى مەن پوپوۆيچ كوشەسىنىڭ قيىلىسىندا الماتى وبلىسى ۇيعىر اۋدانىنىڭ تۇرعىنى 1979 جىلى تۋعان س.ەسىمدى ازاماتتىڭ باسقارۋىندا بولعان Mercedes اۆتوكولىگى توقتاتىلدى. ونىڭ كولىگىن ءتىنتۋ بارىسىندا وسىمدىك تەكتەس زات سالىنعان 15 پوليەتيلەن بۋما مەن اقشا تاركىلەندى. كۇدىكتى بۇل ەسىرتكى پارتياسىن ش.ەسىمدى ازاماتتان ساتىپ العانى جانە ونىڭ تۇراقتى كليەنتى ەكەنى بەلگىلى بولدى. ساراپتاما تاعايىندالدى»، – دەدى ناۋاتوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77 بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.